തിരുവനന്തപുരം : കേന്ദ്ര സര്‍ക്കാറിനെതിരെ രൂക്ഷ വിമര്‍ശനവുമായി എ വിജയരാഘവന്‍. തെറ്റായ നയങ്ങള്‍ നടപ്പിലാക്കാന്‍ വേണ്ടി മോദി സര്‍ക്കാര്‍ പാര്‍ലമെന്റിനെ ഉപയോഗിക്കുന്നുവെന്നും എ വിജയരാഘവന്‍ പറഞ്ഞു. ദേശീയവിദ്യാഭ്യാസ നയത്തിനെതിരെ എസ് എഫ് ഐ രാജ്ഭവനിലേക്ക് നടത്തിയ മാര്‍ച്ച്‌ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മോദി സര്‍ക്കാര്‍ വിദ്യാഭ്യാസത്തെ വാണിജ്യവത്കരിക്കുകയാണെന്ന് അദ്ദേഹം ആരോപിച്ചു. പണം ഉണ്ടെങ്കില്‍ പഠിച്ച്‌ കയറാം എന്ന അവസ്ഥയാണിപ്പോഴെന്നും. വീട് പണയം വച്ച്‌ പഠിക്കണം എന്ന അവസ്ഥയാണ് നിലവിലുള്ളതെന്നും വിജയരാഘവന്‍ പറഞ്ഞു.
