പത്തനംതിട്ട : മുള്ളനിക്കാട്ടിൽ തോട്ട പൊട്ടിത്തെറിച്ച് യുവാവിന്റെ കാൽപാദം അറ്റു. മുള്ളനിക്കാട് സ്വദേശി രതീഷിന്റെ കാൽപ്പാദമാണ് അറ്റുപോയത്. അപകടത്തിൽ രതീഷിന്റെ സുഹൃത്ത് മനുവിനും പൊള്ളലേറ്റു. വ്യാഴാഴ്ച രാത്രി പത്തുമണിയോടെ രതീഷിന്റെ വീട്ടിൽ വെച്ചാണ് സ്ഫോടനം ഉണ്ടായത്. കിണര്നിര്മാണ തൊഴിലാളിയാണ് രതീഷ്.
സംഭവത്തിന് ശേഷം ഇരുവരെയും കോട്ടയം മെഡിക്കല് കോളേജിലേക്ക് മാറ്റി. കിണറ്റിലെ പാറ പൊട്ടിക്കാന് തൊഴിലാളികള് കൈവശം സൂക്ഷിച്ചിരുന്ന തോട്ട അബദ്ധത്തില് പൊട്ടിയതാകാമെന്നാണ് പോലീസിന്റെ പ്രാഥമിക നിഗമനം. സംഭവത്തിൽ പോലീസ് അന്വേഷണം ആരംഭിച്ചു.
