തിരുവനന്തപുരം : യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്റ് സുജിത്ത് വി എസിനെ കുന്നംകുളത്തെ പോലീസ് ക്രൂരമായി മർദിച്ച ദൃശ്യങ്ങൾ പുറത്തുവന്ന സംഭവത്തിൽ പ്രതികരണവുമായി യൂത്ത് കോൺഗ്രസ് ഉപാധ്യക്ഷൻ അബിൻ വർക്കി. തുടരും സിനിമയിലെ ജോർജ് സാറിനെ പോലെയാണ് കേരളത്തിലെ പോലീസുമാർ. കേരളത്തിലെ പോലീസ് ഇതുപോലെ തോന്നിവാസം കാണിച്ച കാലഘട്ടം ഉണ്ടായിട്ടില്ല. പോലീസിനെതിരെ സേനയുടെ അകത്തു നിന്ന്പോലും റിപ്പോർട്ട് വന്നുവെന്ന് അബിൻ വർക്കി പറഞ്ഞു.
സുജിത്തിനെ മനപൂർവ്വം കുടുക്കാനുള്ള കള്ളക്കേസായിരുന്നു അത്. കേരളത്തിലെ പോലീസിന്റെ തന്തയില്ലാത്തരമാണ് ഈ കാണുന്നതെന്നും ശക്തമായ പ്രതിഷേധം യൂത്ത് കോൺഗ്രസിന്റെ ഭാഗത്തുനിന്നു ഉണ്ടാകും. സുജിത്തിന് ഭാഗികമായ നീതിയെ കിട്ടിയിട്ടുള്ളൂ. മർദിച്ച നാല് പോലീസ് ഉദ്യോഗസ്ഥരെയും സേനയിൽ നിന്ന് പുറത്താക്കണം. പോലീസുകാർക്കെതിരെ ക്രിമിനൽ നടപടിയിലൂടെ ശിക്ഷ വിധിക്കണം അല്ലാത്തപക്ഷം തെരുവോരങ്ങളിൽ ശക്തമായ സമരം ഉണ്ടാകുമെന്നും അബിൻ വർക്കി മുന്നറിയിപ്പ് നൽകി.
