കരുനാഗപ്പള്ളി: ഒന്‍പതുകാരിക്കുനേരെ ലൈംഗികാതിക്രമം കാട്ടിയ കേസില്‍ 73കാരന് അഞ്ചുവര്‍ഷം തടവും 25,000 രൂപ പിഴയും കരുനാഗപ്പള്ളി ഫാസ്റ്റ് ട്രാക്ക് കോടതി വിധിച്ചു.
2019ലാണ് കേസിനാസ്പദമായ സംഭവം. കരുനാഗപ്പള്ളി കണ്ണമ്പള്ളി ക്ഷേത്രത്തിന് സമീപത്തെ പ്രതിയുടെ പെട്ടിക്കടയില്‍ സാധനം വാങ്ങാനായി വന്ന ബാലികക്കുനേരെ ലൈംഗികാതിക്രമം കാട്ടി എന്നായിരുന്നു കേസ്. പിഴത്തുകയില്‍ ഇരുപതിനായിരം രൂപ ബാലികക്ക് നല്‍കണമെന്നും സ്പെഷല്‍ ഫാസ്റ്റ്ട്രാക്ക് കോടതി ജഡ്ജി ജി. ശ്രീരാജ് വിധിച്ചു. കരുനാഗപ്പള്ളി എസ്.ഐ ആയിരുന്ന ശ്യാംലാല്‍ അന്വേഷിച്ച്‌ കുറ്റപത്രം സമര്‍പ്പിച്ച കേസില്‍ സ്പെഷല്‍ പബ്ലിക് പ്രോസിക്യൂട്ടര്‍ പി. ശിവപ്രസാദ് ഹാജരായി.
