കണ്ണൂര്‍: എസ്. എസ്. എല്‍.സിക്ക് പഠിക്കുന്ന വിദ്യാര്‍ത്ഥിനിയെ പ്രണയം നടിച്ച്‌ പ്രലോഭിപ്പിച്ച്‌ തട്ടിക്കൊണ്ടുപോയി ലൈംഗീകചൂഷണത്തിനിരയാക്കിയ തിരുവനന്തപുരം സ്വദേശിയായ യുവാവ് അറസ്റ്റില്‍.കാട്ടാക്കടയിലെ എസ്.എസ്.ജിതീഷിനെ (22)യാണ് ബംഗളൂരുവില്‍ വെച്ച്‌ തളിപ്പറമ്പ്പോലീസ് അറസ്റ്റ് ചെയ്തത്.കഴിഞ്ഞ 22-നാണ് ആന്തൂര്‍ നഗരസഭാ പ്രദേശത്തെ 15 കാരിയെ ഇയാള്‍ പ്രലോഭിപ്പിച്ച്‌ തട്ടിക്കൊണ്ടുപോയത്.സ്‌കൂളിലേക്ക് പോയ പെണ്‍കുട്ടിയെ വശീകരിച്ചു ജിതേഷ് കൂട്ടിക്കൊണ്ടുപോവുകയായിരുന്നു.
പോലീസ് തിരുവനന്തപുരത്ത് എത്തിയപ്പോഴേക്കും ഇരുവരും മൈസൂരു വഴി ബംഗളൂരുവില്‍ എത്തിയിരുന്നു.അവിടെവെച്ചാണ് പോലീസ് പിടികൂടിയത്. പെണ്‍കുട്ടിക്ക് പ്രായപൂര്‍ത്തിയെത്താത്തതിനാല്‍ പ്രതിക്കെതിരെ പോക്സോ നിയമപ്രകാരം കേസെടുത്തു.തളിപ്പറമ്പ്എസ്.ഐ.പി.സി.സഞ്ജയ് കുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.
