കയ്പമംഗലം : മൂന്നുപീടികയില്‍ വച്ചുണ്ടായ വാഹനാപകടത്തില്‍ പരിക്കേറ്റ് ചികിത്സയില്‍ കഴിഞ്ഞിരുന്ന സ്ത്രീ മരിച്ചു. തളിക്കുളം തളിക്കുളങ്ങര ക്ഷേത്രത്തിനു പടിഞ്ഞാറ് തൊഴുത്തുംപറന്പില്‍ രവീന്ദ്രന്റെ ഭാര്യ ലളിത (67) യാണ് മരിച്ചത്. ഓഗസ്റ്റ് 21 ന് മൂന്നുപീടിക അറവുശാല പെട്രോള്‍ പന്പിനു മുന്നില്‍ ഓട്ടോറിക്ഷയില്‍ കാറിടിച്ചായിരുന്നു അപകടം.
ഗുരുതരമായി പരിക്കേറ്റ ലളിത തൃശൂര്‍ മെഡിക്കല്‍ കോളജില്‍ ചികിത്സയിലിരിക്കെയാണ് മരിച്ചത്. ഭര്‍ത്താവ് രവീന്ദ്രനും, ഓട്ടോ ഡ്രൈവര്‍ ഷിയാസും ഇപ്പോഴും മെഡിക്കല്‍ കോളജ് ആശുപത്രിയില്‍ ചികിത്സയിലാണ്.മക്കള്‍ : റിജോയ്, ദിപ്തി. മരുമക്കള്‍ : സീന, സതീഷ്.
