വടക്കാഞ്ചേരി : കാര് ഡിവൈഡറില് ഇടിച്ചു മറിഞ്ഞ് രണ്ടരവയസ്സുകാരന് മരിച്ചു, അപകടം പിതാവിനെ എയര്പോര്ട്ടില് വിട്ട് മടങ്ങും വഴി. വടക്കാഞ്ചേരി ഉത്രാളിക്കാവിന് സമീപം കിണര്മാക്കല് നസീബിന്റെ മകന് ഐയ്ദീന് നസീബാണ് മരിച്ചത്.
അവധികഴിഞ്ഞ് ദുബൈയിലേക്ക് മടങ്ങിയ പിതാവിനെ യാത്രയാക്കാന് നെടുമ്ബാശേരി എയര്പോര്ട്ടില് പോയി മടങ്ങും വഴിയാണ് കാര് അപകടത്തില്പ്പെട്ടത്. തിങ്കളാഴ്ച രാത്രി പതിനൊന്നരയോടെ പേരാമ്പ്ര അപ്പോളോ ടയേഴ്സിന് സമീപമാണ് അപകടം.
ഡിവൈഡറിലിടിച്ച് നിയന്ത്രണം വിട്ട് മറിഞ്ഞ കാറിന്റെ അടിയില്പെട്ടാണ് കുട്ടി മരിച്ചത്. കാറിലുണ്ടായിരുന്ന കുടുംബാംഗങ്ങള് നിസാര പരിക്കുകളോടെ രക്ഷപ്പെട്ടു. അപകടസമയത്ത് ഉമ്മ ആദിലയുടെ മടിയിലായിരുന്നു കുട്ടി. പിതൃസഹോദരന് അനസാണ് കാര് ഓടിച്ചിരുന്നത്. ഐയ്ദിന്റെ സഹോദരന്:മുഹമ്മദ് സിയാന്.
