ഭോപ്പാല് : കൈവിലങ്ങുകള് ധരിച്ച പ്രതിയുമായി ഗംഗാനദിയില് മുങ്ങി പോലീസുകാര്. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് വൈറലായതോടെ മധ്യപ്രദേശിലെ ബുര്ഹാന്പൂര് ലാല്ഭാഗ് സ്റ്റേഷനിലെ പോലീസുകാര്ക്ക് കാരണം കാണിക്കല് നോട്ടീസ് നല്കി. പ്രതിയെ പിടികൂടാന് ഉത്തര്പ്രദേശിലെത്തിയ സംഘമാണ് മടങ്ങുന്നതിനിടെ പ്രതിയുമായി ഗംഗാനദിയില് മുങ്ങിയത്. ഫെബ്രുവരി 16 നാണ് പ്രതാപ്ഗഡില് നിന്ന് പ്രതിയെ പിടികൂടാന് സംഘം യു.പിയിലേക്ക് യാത്ര തിരിച്ചത്.
പ്രതിയെ അറസ്റ്റ് ചെയ്ത് മടങ്ങുന്നതിനിടെ ഇവര് പുണ്യനദിയായി കരുതുന്ന ഗംഗയില് മുങ്ങുകയായിരുന്നുവെന്ന് ബുര്ഹന്പൂര് എസ്.ഐ രാഹുല് കുമാര് ലോധ പറഞ്ഞു. സംഭവത്തിന്റെ ദൃശ്യങ്ങള് കഴിഞ്ഞ ദിവസങ്ങളിലാണ് സമൂഹമാധ്യമങ്ങളില് പ്രചരിച്ചത്. സംഘത്തിന് നേതൃത്വം നല്കിയ ലാല്ബാഗ് പോലീസ് സ്റ്റേഷനിലെ സബ് ഇന്സ്പെക്ടര് കേശവ് പാട്ടീലിന് നോട്ടീസ് നല്കിയതായി പോലീസ് വൃത്തങ്ങള് അറിയിച്ചു.
