കൊച്ചി: നടിയെ ആക്രമിച്ച കേസിന്റെ വിചാരണ വേളയില്‍ പ്രതി കോടതിരംഗങ്ങള്‍ മൊബൈലില്‍ പകര്‍ത്തി. പ്രോസിക്യൂഷന്‍ ആവശ്യപ്രകാരം പോലീസ് ഫോണ്‍ പിടിച്ചെടുത്തു. നടിയെ ആക്രമിച്ച കേസിന്റെ വിചാരണ നടക്കുന്ന കോടതി മുറിയില്‍ നിന്നുള്ള ദൃശ്യങ്ങള്‍ കേസിലെ അഞ്ചാം പ്രതി സലീമാണ് മൊബൈല്‍ ഫോണില്‍ പകര്‍ത്തിയത്. ദിലീപ് അടക്കമുള്ള പ്രതികള്‍ കോടതി മുറിയില്‍ നില്‍ക്കുന്ന ദൃശ്യമാണ് പ്രതി പകര്‍ത്തിയത്. ഫോണില്‍ ചിത്രങ്ങള്‍ പകര്‍ത്തിയെന്ന വിവരം പ്രോസിക്യൂഷനാണ് പോലീസിനെ അറിയിച്ചത്. തുടര്‍ന്ന് പ്രതിയില്‍നിന്നും പോലീസ് ഫോണ്‍ പിടിച്ചെടുത്തു.
