കൊച്ചി: കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാന്റെ രാജി ആവശ്യപ്പെട്ട് ക്രോക്രോച്ച് ജനത പാര്ട്ടിയുടെ നേതൃത്വത്തിൽ ജന്തര് മന്തറിൽ നടക്കുന്ന പ്രതിഷേധത്തിന് ഐക്യദാര്ഢ്യം പ്രഖ്യാപിച്ച് മുംബൈയില് നടന്ന പ്രതിഷേധത്തില് പോലീസ് വാന് ഒറ്റയ്ക്ക് തടഞ്ഞ യുവതിയുടെ ചിത്രം സമരത്തിന്റെ മുഖമായി മാറിയിരുന്നു. നടിയും മോഡലുമായ റിയ ആഹിര് എന്ന 27കാരിയായിരുന്നു അത്. ദാദറിലെ ശിവജി പാർക്കിന് സമീപത്തു നിന്ന് കസ്റ്റഡിയിലെടുത്ത വിദ്യാർഥികളുമായി പോയ പോലീസ് വാൻ പെരുമഴ ഒറ്റയ്ക്ക് തടഞ്ഞുനിർത്തി പ്രതിഷേധിച്ച റിയയുടെ വീഡിയോയും ചിത്രങ്ങളും സോഷ്യല് മീഡിയയില് വൈറലായിരുന്നു. ഈ ചിത്രം പുനരാവിഷ്കരിച്ച നടി നവ്യ നായര്ക്ക് നേരെ വ്യാപക വിമര്ശനമുയര്ന്നിരുന്നു. വിമര്ശനം കടുത്തതോടെ നിമിഷങ്ങള്ക്കകം തന്നെ നടി ഈ പോസ്റ്റ് നീക്കം ചെയ്യുകയാണുണ്ടായത്.
പോസ്റ്റ് പിൻവലിച്ചെങ്കിലും നവ്യ പങ്കുവച്ച ഇതിനോടകം തന്നെ വിവിധ സോഷ്യൽ മീഡിയ പ്ലാറ്റ്ഫോമുകളിൽ ചിത്രം പ്രചരിച്ചിരുന്നു. കൊൽക്കത്തയിൽ പാർക്ക് ചെയ്തിരുന്ന ഒരു പോലീസ് വാഹനത്തിന് മുന്നിൽ കൈവെച്ച് നിൽക്കുന്ന ചിത്രം താരം പങ്കുവെച്ചതോടെയാണ് വിവാദത്തിന് തിരി കൊളുത്തിയത്. അടിക്കുറിപ്പൊന്നും നൽകാതെ പശ്ചാത്തല സംഗീതമായി ‘വന്ദേ മാതരം’ മാത്രമാണ് നൽകിയിയിരുന്നത്. എന്നാൽ ചിത്രം സോഷ്യല് മീഡിയയില് തരംഗമായതോടെ നിരവധി പേർ അതിനെ മുംബൈയിൽ വിദ്യാർഥി പ്രതിഷേധത്തിനിടെ പോലീസ് വാൻ തടഞ്ഞ യുവതി റിയ ആഹിറിന്റെ വൈറൽ ചിത്രത്തോട് സാമ്യമുള്ളതാണെന്ന് ചൂണ്ടിക്കാട്ടി. വിദ്യാര്ഥി സമരത്തെ പരോക്ഷമായി പിന്തുണച്ചതാണോ എന്നും ചിലര് ചോദിച്ചു.
