കൊച്ചി : അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് നടന് ദിലീപ് അടക്കമുള്ളവരുടെ ചോദ്യംചെയ്യല് നാലുമണിക്കൂര് പിന്നിട്ടു. കോടതി നിര്ദേശം അനുസരിച്ചാണ് ചോദ്യംചെയ്യല് നടത്തുന്നത്. അതിനാല് ദിലീപ് നിസ്സഹകരിച്ചാല് കോടതിയെ അറിയിക്കും. കളമശ്ശേരി ക്രൈംബ്രാഞ്ച് ഓഫീസിലാണ് അഞ്ച് പ്രതികളെയും വിശദമായി ചോദ്യംചെയ്യുന്നത്. ആദ്യഘട്ടത്തില് എല്ലാവരെയും ഒറ്റയ്ക്കിരുത്തിയാണ് ചോദ്യംചെയ്യുന്നത്. പിന്നീട് ഇവരെ ഒരുമിച്ചിരുത്തി ചോദ്യംചെയ്തേക്കും. നിസഹകരിച്ചാല് വേറൊരുരീതിയിലും തെളിവുകളുണ്ടാകും.
ദിലീപിനെതിരായ കേസില് സത്യസന്ധമായ അന്വേഷണം നടത്തുമെന്ന് എ.ഡി.ജി.പി. എസ്.ശ്രീജിത്ത് മാധ്യമങ്ങളോട് പറഞ്ഞു. അന്വേഷണത്തിന്റെ ഭാഗമായി തെളിവ് ശേഖരിക്കലാണ് പോലീസിന്റെ ജോലി. അതാണിപ്പോള് ചെയ്തുകൊണ്ടിരിക്കുന്നത്. ചോദ്യംചെയ്യല് കൃത്യമായി ചെയ്യും. കോടതിയെ സമീപിച്ചവരല്ലാതെ മറ്റുള്ളവരെ ചോദ്യംചെയ്യാന് നിയമപരമായ തടസങ്ങളൊന്നുമില്ല. ചോദ്യംചെയ്യല് നടക്കുമ്പോള് പ്രതിയുടെ സഹകരണം മാത്രമല്ല തെളിവിലേക്ക് നയിക്കുക നിസ്സഹകരണവും വേറൊരുരീതിയില് പോലീസിന് സഹായകരമാകുമെന്നും അദ്ദേഹം പറഞ്ഞു.
സഹകരിക്കുമ്പോള് ഒരുപ്രത്യേകരീതിയില് തെളിവുകള് കിട്ടും. സഹകരിക്കുന്നതോ നിസ്സഹരിക്കുന്നതോ അടിസ്ഥാനമാക്കിയല്ല കാര്യങ്ങള് മുന്നോട്ടുപോകുന്നത്. രാത്രി എട്ടുമണിവരെയാകും ദിലീപ് അടക്കമുള്ള പ്രതികളെ ഞായറാഴ്ച ചോദ്യംചെയ്യുക. ആകെ മൂന്നുദിവസത്തേക്കാണ് ചോദ്യംചെയ്യാന് കോടതി അനുമതി ഉദ്ധ്യോഗസ്ഥര്ക്ക് നല്കിയിരിക്കുന്നത്. പ്രതികള് അന്വേഷണവുമായി പൂര്ണമായി സഹകരിക്കണമെന്നും അന്വേഷണം തടസ്സപ്പെടുത്തുന്നത് ചിന്തിക്കുക പോലും ചെയ്യരുതെന്നും ഹൈക്കോടതി കഴിഞ്ഞദിവസം വ്യക്തമാക്കിയിരുന്നു.
