തിരുവല്ല: തിരുവല്ല എംസി റോഡിൽ മല്ലപ്പള്ളി റോഡ് ആരംഭിക്കുന്ന ഭാഗത്ത് നിർമ്മിക്കുന്ന കലുങ്ക് നിർമ്മാണം സംബന്ധിച്ച് മൂന്ന് മാസത്തേക്ക് സംസ്ഥാന പാതയിലെ ഗതാഗതം നിരോധിക്കാനുള്ള തീരുമാനം അപക്വവും പ്രതിഷേധാർഹവുമാണെന്ന് യുഡിഎഫ് ജില്ലാ ചെയർമാനും കേരളാ കോൺഗ്രസ് ജില്ലാ പ്രസിഡന്റുമായ അഡ്വ. വർഗ്ഗീസ് മാമ്മൻ പ്രസ്താവിച്ചു. രണ്ട് ആശുപത്രികളും മാർത്തോമ്മാ കോളേജും ഉൾപ്പടെയുള്ള സ്ഥലങ്ങളിലേക്ക് പോകുന്ന പ്രധാന വഴികളിൽ ഒന്നാണ് ഇത്. ഇവിടം അടച്ച് ഗതാഗത യോഗ്യമല്ലാതാക്കുന്നത് നിരവധി ഗാതാഗത പ്രശ്നങ്ങൾക്ക് കാരണമാകും. വൺവേ യാത്രാനുമതി നൽകിക്കൊണ്ട് സമയബന്ധിതമായി പണി പൂർത്തികരിക്കണമെന്നും അദ്ദേഹം ആവശ്യപ്പെട്ടു. ക്രിസ്തുമസ് പുതുവത്സര കാലം ആയതിനാൽ വഴി അടച്ചത് വ്യാപാരികൾക്കും വലിയ തിരിച്ചടിയാണ്. മൂന്ന് മാസത്തേക്ക് തിരുവല്ലയുടെ ഹൃദയഭാഗത്തെ ഗതാഗതം വഴിമുട്ടിക്കുന്നത് സർക്കാരും കരാറുകാരനും തമ്മിലുള്ള ഒത്തുകളിയാണെന്നും ഈ നിർമ്മാണത്തെക്കുറിച്ച് പോലും അന്വേഷണം നടത്തണമെന്നും അഡ്വ.വർഗ്ഗീസ് മാമ്മൻ ആവശ്യപ്പെട്ടു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
