മിക്കവരും ബ്രോഡ്ബാന്റ് കണക്ഷൻ എടുക്കാൻ മടിക്കുന്നത് ചിലവിനെ കുറിച്ച് ഓർത്തായിരിക്കും. വലിയ തുക തന്നെ ഓരോ മാസവും ചിലവ് വരും എന്ന് കരുതുന്ന ആളുകൾ ധാരാളമാണ്. എന്നാൽ പൊതുമേഖലാ ടെലിക്കോം സേവനദാതാവായ ബിഎസ്എൻഎൽ കുറഞ്ഞ നിരക്കിൽ മികച്ച നിരവധി ബ്രോഡ്ബാന്റ് പ്ലാനുകൾ നൽകുന്നുണ്ട്. ആവശ്യത്തിന് വേഗതയും ഡാറ്റ ലിമിറ്റും ഉള്ളവയാണ് ബിഎസ്എൻഎൽ ഭാരത് ഫൈബർ ബ്രോഡ്ബാന്റ് പ്ലാനുകൾ. ഈ പ്ലാനുകൾക്കൊപ്പം നിരവധി അധിക ആനുകൂല്യങ്ങളും ലഭ്യമാണ്.
ജിയോഫൈബർ, എയർടെൽ എക്സ്ട്രീം ഫൈബർ എന്നിവയുമായി മത്സരിക്കുന്ന ബിഎസ്എൻഎൽ ഭാരത് ഫൈബറിന്റെ 500 രൂപയിൽ താഴെ മാത്രം വിലയുള്ള പ്ലാനുകളാണ് നമ്മളിന്ന് നോക്കുന്നത്. 329 രൂപ മുതലാണ് ബിഎസ്എൻഎൽ ഫൈബർ പ്ലാനുകൾ ആരംഭിക്കുന്നത്. 399 രൂപ, 449 രൂപ, 499 രൂപ നിരക്കുകളിലും ബിഎസ്എൻഎൽ ബ്രോഡ്ബാന്റ് പ്ലാനുകൾ നൽകുന്നുണ്ട്. 40 എംബിപിഎസ് വരെ ഡാറ്റ വേഗതയാണ് ഈ പ്ലാനുകളിലൂടെ ലഭിക്കുന്നത്. ബിഎസ്എൻഎൽ ഭാരത് ഫൈബർ ബ്രോഡ്ബാന്റിന്റെ ഈ എൻട്രി ലെവൽ പ്ലാനുകൾ വിശദമായി നോക്കാം.
329 രൂപ വിലയുള്ള ബിഎസ്എൻഎൽ ഭാരത് ഫൈബർ ബ്രോഡ്ബാന്റ് പ്ലാനിലൂടെ ഉപയോക്താക്കൾക്ക് 20 എംബിപിഎസ് വരെ ഇന്റർനെറ്റ് വേഗതയാണ് ലഭിക്കുന്നത്. ബ്രൗസിങ്, സ്ട്രീമിംഗ്, ഓൺലൈൻ ഗെയിമിങ് എന്നിവയുൾപ്പെടെയുള്ള സാധാരണ ഇന്റർനെറ്റ് ഉപയോഗത്തിന് ഈ വേഗത ഒരു പരിധി വരെ മതിയാകും. ഈ വില കുറഞ്ഞ പ്ലാനിലൂടെ 1 ടിബി പ്രതിമാസ ഡാറ്റ അലവൻസാണുള്ളത്. ഈ 1 ടിബി ഡാറ്റ ഉപയോഗിച്ച് തീർന്നാൽ പിന്നീട് ഇന്റർനെറ്റ് വേഗത 4 എംബിപിഎസ് ആയി കുറയുന്നു. ഉപഭോക്താക്കൾക്ക് ഫിക്സഡ് ലൈൻ വോയ്സ് കോളിങ് ആനുകൂല്യവും ഈ പ്ലാനിലൂടെ ലഭിക്കും.
ബിഎസ്എൻഎൽ ഭാരത് ഫൈബർ ബ്രോഡ്ബാന്റ് നൽകുന്ന 399 രൂപ വിലയുള്ള പ്ലാൻ 30 എംബിപിഎസ് വരെ വേഗതയിലുള്ള ഇന്റർനെറ്റ് കണക്ഷനാണ് നൽകുന്നത്. ഈ പ്ലാൻ കുറഞ്ഞ വിലയിൽ മെച്ചപ്പെട്ട ഇന്റർനെറ്റ് കണക്റ്റിവിറ്റി ആവശ്യമുള്ള ഉപയോക്താക്കൾക്ക് തിരഞ്ഞെടുക്കാവുന്നതാണ്. ഈ പ്ലാനിലൂടെയും 1 ടിബി ഡാറ്റയാണ് ഒരു മാസത്തേക്ക് ലഭിക്കുന്നത്. ഉപയോക്താക്കൾക്ക് മാസം മുഴുവനും തടസ്സമില്ലാതെ ഇന്റർനെറ്റ് ആക്സസ് നൽകാൻ ഈ പ്ലാനിന് സാധിക്കും. പ്ലാനിലൂടെ ലഭിക്കുന്ന 1 ടിബി ഡാറ്റ ഉപയോഗിച്ചതിന് ശേഷം ഇന്റർനെറ്റ് വേഗത 4 എംബിപിഎസ് ആയി കുറയുന്നു. സൗജന്യ കോളിങ് ആനുകൂല്യങ്ങളും പ്ലാനിലൂടെ ലഭ്യമാണ്.
449 രൂപ വിലയുള്ള ബിഎസ്എൻഎൽ ഭാരത് ഫൈബർ ബ്രോഡ്ബാന്റ് പ്ലാൻ കൂടുതൽ ഡാറ്റ ആവശ്യമുള്ളവർക്ക് തിരഞ്ഞെടുക്കാവുന്ന എൻട്രിലെവൽ പ്ലാനാണ്. ഈ പ്ലാനിലൂടെ ഒരു മാസത്തേക്ക് 3.3 ടിബി ഡാറ്റയാണ് വരിക്കാർക്ക് ലഭിക്കുന്നത്. ഈ പ്ലാൻ 30 എംബിപിഎസ് എന്ന വേഗതയും നൽകുന്നു. പ്ലാനിലൂടെ ലഭിക്കുന്ന 3.3 ടിബി ഡാറ്റ ഉപയോഗിച്ച് കഴിഞ്ഞാൽ ഇന്റർനെറ്റ് വേഗത 4 എംബിപിഎസ് ആയി കുറയും. ഈ പ്ലാനും മറ്റ് പ്ലാനുകൾ പോലെ ഉപഭോക്താക്കൾക്ക് സൗജന്യ ഫിക്സഡ് ലൈൻ വോയിസ് കോളിങ് ആനുകൂല്യങ്ങൾ നൽകുന്നുണ്ട്.
ബിഎസ്എൻഎൽ ഭാരത് ഫൈബർ ബ്രോഡ്ബാന്റിന്റെ 500 രൂപയിൽ താഴെയുള്ള അവസാനത്തെ പ്ലാനിന് 499 രൂപയാണ് വില. കൂടുതൽ വേഗതയും കൂടുതൽ ഡാറ്റയും വേണ്ടവർക്കുള്ള പ്ലാനാണ് ഇത്. 499 രൂപ പ്ലാൻ ഉപയോക്താക്കൾക്ക് 40 എംബിപിഎസ് വരെ വേഗതയിലുള്ള ഇന്റർനെറ്റാണ് നൽകുന്നത്. ഈ പ്ലാനിലൂടെ 3.3 ടിബി ഡാറ്റയും ലഭിക്കും. ഈ ഡാറ്റ ഉപയോഗിച്ച് കഴിഞ്ഞാൽ പിന്നീട് ഇന്റർനെറ്റ് വേഗത 4 എംബിപിഎസ് ആയി കുറയുന്നു. ഉപഭോക്താക്കൾക്ക് സൗജന്യ ഫിക്സഡ് ലൈൻ വോയിസ് കോളിങ് ആനുകൂല്യങ്ങളും ഈ പ്ലാനിലൂടെ ലഭ്യമാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
