പത്തനംതിട്ട : നിത്യോപയോഗസാധനങ്ങള്‍ക്ക് അമിത വില ഈടാക്കുന്നവര്‍ക്കെതിരെ നടപടിയെടുക്കുമെന്ന് ജില്ലാ കളക്ടര്‍ ഡോ. ദിവ്യ എസ് അയ്യര്‍ പറഞ്ഞു. വിപണിയില്‍ ലഭിക്കുന്ന നിത്യോപയോഗസാധനങ്ങളുടെ വില നിയന്ത്രണ വിധേയമാക്കുവാന്‍ മുഖ്യമന്ത്രിയുടെ നിര്‍ദേശമനുസരിച്ച് ഓമല്ലൂരിലെ വ്യാപാര സ്ഥാപനങ്ങളില്‍ മിന്നല്‍ പരിശോധന നടത്തിയ ശേഷം സംസാരിക്കുകയായിരുന്നു കളക്ടര്‍.
പൊതുവിപണിയിലെ വിലനിയന്ത്രണത്തിനായി ജില്ലയിലെ വിവിധ സ്ഥലങ്ങളില്‍ പച്ചക്കറി, പലചരക്ക് വ്യാപാര സ്ഥാപനങ്ങളില്‍ പരിശോധന നടന്നു വരികയാണ്. എല്ലാ കടകളിലും നിത്യേന പൊതുജനങ്ങള്‍ക്ക് കാണത്തക്ക വിധം കൃത്യമായ വിലവിവരപട്ടിക പ്രദര്‍ശിപ്പിക്കണം. വ്യാപാരികള്‍ വാങ്ങുന്ന സാധനങ്ങളുടെ ബില്ലുകളും രജിസ്റ്ററുകളും കൃത്യമായി സൂക്ഷിക്കണം.
എല്ലാ വ്യാപാര സ്ഥാപനങ്ങളിലും സാധനങ്ങളുടെ പേര് വിവരങ്ങള്‍ രേഖപ്പെടുത്തിയ ബോര്‍ഡ് ഉണ്ടാകണം. വില്‍ക്കുന്ന സാധനങ്ങളില്‍ കൃത്യമായ ലേബലുകള്‍ ഉണ്ടെന്ന് ഉറപ്പ് വരുത്തണം. വിലവിവരപട്ടികയിലുള്ള വിലയാണ് പച്ചക്കറിക്കും പഴവര്‍ഗങ്ങള്‍ക്കും ഈടാക്കുന്നതെന്ന് ഉറപ്പാക്കണം. അമിത വില ഈടാക്കാതെ ഭക്ഷ്യ സാധനങ്ങള്‍ എല്ലാവര്‍ക്കും ലഭ്യമാക്കുന്നതിനുള്ള നടപടികളാണ് സര്‍ക്കാര്‍ സ്വീകരിക്കുന്നതെന്നും ജില്ലയുടെ വിവിധ ഭാഗങ്ങളില്‍ തുടര്‍ന്നും പരിശോധന നടത്തുമെന്നും കളക്ടര്‍ പറഞ്ഞു.
വിലനിലവാര ബോര്‍ഡുകള്‍ വ്യക്തമായി പൊതുജനം കാണത്തക്ക രീതിയില്‍ പ്രദര്‍ശിപ്പിക്കാത്ത സ്ഥാപനങ്ങള്‍, ബില്ലുകള്‍ കൃത്യമായി സൂക്ഷിക്കാത്തത്, വ്യത്യസ്ത വില ഈടാക്കുന്നത്, വിലനിലവാര ബോര്‍ഡുകളേക്കാള്‍ അധികം വില ഈടാക്കുന്നത് തുടങ്ങിയ ക്രമക്കേടുകള്‍ പരിശോധനയില്‍ കണ്ടെത്തി. ജില്ലാ സപ്ലൈ ഓഫീസര്‍ എം. അനില്‍, കോന്നി താലൂക്ക് സപ്ലൈ ഓഫീസര്‍ ലിജോ പൊന്നച്ചന്‍, റേഷനിംഗ് ഇന്‍സ്‌പെക്ടര്‍ മനോജ്, പി. പ്രദീപ്, എസ്. സുമന്‍, ഹരികുമാര്‍ തുടങ്ങിയവര്‍ പങ്കെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
