അഹമ്മദാബാദ്: അഹമ്മദാബാദിലെ എയര്ഇന്ത്യ അപകടം അന്വേഷിക്കാന് ഉന്നതതല സമിതി രൂപീകരിച്ച് കേന്ദ്രസര്ക്കാര്. മൂന്നുമാസത്തിനുള്ളില് അന്വേഷണം പൂര്ത്തിയാക്കി സമിതി റിപ്പോര്ട്ട് സമര്പ്പിക്കും. വിമാന അപകടത്തിന്റെ കാരണമെന്തെന്ന് സമിതി അന്വേഷിക്കും. ഭാവിയില് ഇത്തരം അപകടങ്ങള് ഒഴിവാക്കാന് എന്താണ് ചെയ്യേണ്ടതെന്നും സമിതി നിര്ദേശിക്കും. കേന്ദ്ര ആഭ്യന്തര സെക്രട്ടറിയാണ് സമിതി അധ്യക്ഷന്. വിമാനത്തിന്റ ബ്ലാക്ക് ബോക്സ് കണ്ടത്തെി. അപകടമുണ്ടായി 28 മണിക്കൂറുകള്ക്ക് ശേഷമാണ് എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോയാണ് ബ്ലാക്ക് ബോക്സ് കണ്ടെത്തിയത്. ഡിജിസിഎയുടെ ഫൊറന്സിക് സയന്സ് ലാബിലാകും ബ്ലാക് ബോക്സ് പരിശോധിക്കുക. ഇതിന്റെ ഫലമാണ് അപകടകാരണം കണ്ടെത്താന് നിര്ണായകം.
അതേസമയം അപകടത്തില് മരിച്ചവരുടെ എണ്ണം 270 ആയി ഉയര്ന്നു. സമീപത്തെ കെട്ടിടത്തില് താമസിച്ചിരുന്ന ആറു പേര് കൂടി മരിച്ചു എന്നതാണ് സ്ഥിരീകരിച്ചത്. അപകട സമയത്ത് ഹോസ്റ്റലില് ഉണ്ടായിരുന്ന 24 വിദ്യാര്ത്ഥികളും ആശുപത്രിയില് ചികിത്സയിലാണ്. അതേസമയം വിമാന അവശിഷ്ടങ്ങള്ക്കിടയില് തിരച്ചില് ഇപ്പോഴും തുടരുകയാണ് . തിരിച്ചറിഞ്ഞ ആറ് മൃതദേഹങ്ങളാണ് ഇതുവരെ ബന്ധുക്കള്ക്ക് കൈമാറിയിട്ടുള്ളത്. മറ്റ് മൃതദേഹങ്ങള് തിരിച്ചറിയാനുള്ള നടപടിക്രമങ്ങള് പുരോഗമിക്കുന്നു എന്നും ഡിഎന്എ പരിശോധന ഫലം വരുന്ന മുറയ്ക്ക് ബന്ധുക്കള്ക്ക് കൈമാറും എന്നും ആശുപത്രി അധികൃതര് അറിയിച്ചു.
