തിരുവനന്തപുരം: ഇരുചക്രവാഹനത്തില് 12 വയസ്സില് താഴെയുള്ള കുട്ടികളെ മൂന്നമാത് യാത്രക്കാരായി കണക്കാക്കി പിഴ ഈടാക്കില്ലെന്ന് ഗതാഗതമന്ത്രി ആന്റണി രാജു. കേന്ദ്രനിയമത്തില് ഭേദഗതി വേണമമെന്ന് കേരളം ആവശ്യപ്പെട്ടിട്ടുണ്ട്. കേന്ദ്ര തീരുമാനം വരും വരെ 12 വയസ്സില് താഴെയുള്ള കുട്ടികള്ക്ക് ഇരുചക്രവാഹനത്തില് പിഴ ഈടാക്കില്ല.
അതേസമയം 726 അത്യാധുനിക നിരീക്ഷണ ക്യാമറകളാണ് തിങ്കളാഴ്ച മുതല് പ്രവര്ത്തനം ആരംഭിക്കുന്നത്. സംസ്ഥാനത്ത് നിരത്തിലോടുന്ന എല്ലാ വാഹനങ്ങളേയും മോട്ടോര് വാഹന വകുപ്പിന്റെ നിരീക്ഷണത്തിലാക്കുകയെന്നതാണ് പദ്ധതിയുടെ ലക്ഷ്യം. ഒരുദിവസം ശരാശരി 12-14 ജീവനുകളാണ് നിരത്തില് പൊലിയുന്നത്. അപകടങ്ങള് ഒഴിവാക്കുന്നതും മോട്ടോര് വാഹനവകുപ്പിന്റെ മറ്റൊരു ലക്ഷ്യമാണ്. ഒരു ദിവസം ഒന്നില് കൂടുതല് തവണ നിയമം ലംഘിച്ചാല് ഓരോ നിയമ ലംഘനത്തിനും പ്രത്യേകം പ്രത്യേകം പിഴ ഈടാക്കും. ദേശീയ പാതയില് സ്പീഡ് ക്യാമറകള് പരസ്പരം ബന്ധിപ്പിച്ചിട്ടുണ്ട്.
