ന്യൂഡല്‍ഹി : ഡിസംബര്‍ 1-ന് ലോക എയ്ഡ്സ് ദിനമായി ആചരിക്കുന്നു. 1988 ഡിസംബര്‍ ഒന്നിനാണ് ലോകാരോഗ്യ സംഘടന-ഐക്യരാഷ്ട്ര സഭ എന്നിവയുടെ നേതൃത്വത്തില്‍ ലോകമെമ്പാടും എയ്ഡ്സ് ദിനമായി ആചരിക്കാന്‍ തീരുമാനിച്ചത്. എയ്ഡ്സ് രോഗം, അതിന്റെ പ്രതിരോധം, ബോധവല്‍ക്കരണം തുടങ്ങി നിരവധി പരിപാടികള്‍ ഈ ദിനത്തോടനുബന്ധിച്ചു നടക്കാറുണ്ട്.
‘തുല്യമാക്കുക’ എന്നതാണ് 2022 ലെ എയ്ഡ്സ് ദിനത്തിന്‍റെ തീം. അസമത്വങ്ങള്‍ പരിഹരിക്കാനും, എയ്ഡ്സ് നിര്‍മ്മാര്‍ജ്ജനത്തില്‍ പങ്കാളികളാകാനും ഇതിലൂടെ ആഹ്വാനം ചെയ്യുന്നു. ഭൂമിയില്‍ നിന്നും എയ്ഡ്സിനെ തുരത്തുന്നതിന് തടസ്സം നില്‍ക്കുന്ന അസമത്വങ്ങളെ തിരിച്ചറിയാനും നേരിടാനും ലോകമെമ്പാടുമുള്ള പൗരന്മാരോട് ലോക ആരോഗ്യ സംഘടന ആഹ്വനം ചെയ്യുന്നു. ബോധവല്‍ക്കരണമാണ് ഈ രോഗം തടയാനുള്ള ഏക പോംവഴി. അതിനാല്‍ എയ്ഡ്സിന്റെ ലക്ഷണങ്ങളും ഘടകങ്ങളും പ്രതിരോധ രീതികളും അറിയേണ്ടത് വളരെ പ്രധാനമാണ്. എച്ച്‌ഐവി ബാധിതനായ ഒരാള്‍ ആരോഗ്യകരമായ ജീവിതശൈലിയും ഭക്ഷണക്രമവും പിന്തുടരുകയാണെങ്കില്‍ അവന്‍റെ ജീവിതം സാധാരണ നിലയിലാകുമെന്ന് ഡോക്ടര്‍മാര്‍ പറയുന്നു.
എന്താണ് എയ്ഡ്സ്?
എച്ച്.ഐ.വി. (ഹ്യുമന്‍ ഇമ്മ്യൂണോ ഡെഫിഷ്യന്‍സി വൈറസ്) ബാധിക്കുന്നതിലൂടെ മനുഷ്യന് രോഗപ്രതിരോധശേഷി നഷ്ടപ്പെടുകയും അത് മുഖേനെ മറ്റു മാരക രോഗങ്ങള്‍ പിടിപെടുകയും ചെയ്യുന്നു. അക്വേയ്ഡ് ഇമ്മ്യൂണ്‍ ഡിഫിഷ്യന്‍സി സിന്‍ഡ്രോം എന്നതിന്റെ ചുരുക്ക രൂപമാണ് എയ്ഡ്സ്. 1981 മുതലാണ് എയ്ഡ്സ് ഒരു രോഗമായി പ്രത്യേകം റിപ്പോര്‍ട്ട് ചെയ്ത് തുടങ്ങിയത്.
എയ്ഡ്സ് എങ്ങനെയാണ് പകരുന്നത്?
സുരക്ഷിതമല്ലാത്ത ലൈംഗികബന്ധം മൂലവും, രോഗിയുടെ ശരീരത്തില്‍ ഉപയോഗിക്കുന്ന കുത്തിവെയ്പ്പ് മറ്റൊരാള്‍ക്ക് ഉപയോഗിക്കുന്നതിലൂടെയും, രോഗിയുടെ രക്തം മറ്റൊരാള്‍ക്ക് കൈമാറുന്നതിലൂടെയും, എച്ച് ഐ വി ബാധിതയായ ഗര്‍ഭിണിയുടെ ശരീരത്തില്‍ നിന്ന് ഗര്‍ഭസ്ഥ ശിശുവിന്റെ ശരീരത്തിലേക്കും വൈറസ് പകരാം.എയ്ഡ്സിന്റെ ലക്ഷണങ്ങള്‍
എയ്ഡ്സിന്റെ ആദ്യ നാളുകളില്‍ ഒരു തരത്തിലുമുള്ള ലക്ഷണങ്ങളും ഉണ്ടാകാറില്ല. ഒരു വ്യക്തി സാധാരണ ദിവസം പോലെ ആരോഗ്യവാനായിരിക്കും. ഏതാനും വര്‍ഷങ്ങള്‍ക്ക് ശേഷം മാത്രമേ അതിന്റെ ലക്ഷണങ്ങള്‍ പ്രത്യക്ഷപ്പെടുകയുള്ളൂ. പനി, ക്ഷീണം, വരണ്ട ചുമ, ശരീരഭാരം കുറയല്‍, ചര്‍മ്മത്തില്‍, വായ, കണ്ണ് അല്ലെങ്കില്‍ മൂക്ക് എന്നിവയ്ക്ക് ചുറ്റുമുള്ള പാടുകള്‍, കാലക്രമേണ ഓര്‍മ്മക്കുറവ്, ശരീരവേദന എന്നിവയാണ് ഈ രോഗത്തിന്റെ പ്രധാന ലക്ഷണങ്ങള്‍. തൊണ്ടവേദനയോ വീര്‍ത്ത ഗ്രന്ഥികളോ അവഗണിക്കരുത്. ചര്‍മ്മത്തിലെ ചുണങ്ങ്, പേശി വേദന എന്നിവ എച്ച്‌ഐവി അണുബാധയുടെ ലക്ഷണങ്ങളായിരിക്കാം. തൊണ്ടയിലോ വായിലോ ജനനേന്ദ്രിയത്തിലോ ഉണ്ടാകുന്ന വ്രണങ്ങള്‍ എച്ച്‌ഐവി അണുബാധയുടെ ലക്ഷണമാണ്. എയ്ഡ്സ് രോഗികളില്‍ രാത്രി വിയര്‍പ്പ് കൂടുതലാണ്. വയറിളക്കം പോലെയുള്ള പ്രശ്‌നങ്ങളും കണ്ടുവരാം.
ഈ ഭക്ഷണങ്ങള്‍ കഴിക്കാം
ആന്റി ഓക്‌സിഡന്റുകള്‍ എന്ന് വിളിക്കപ്പെടുന്ന പഴങ്ങളിലും പച്ചക്കറികളിലും കാണപ്പെടുന്ന പോഷകാഹാരം പ്രതിരോധശേഷി മെച്ചപ്പെടുത്തുന്നു. വ്യത്യസ്ത തരം പഴങ്ങളും പച്ചക്കറികളും കഴിക്കുക, അതിലൂടെ ശരീരത്തിന് വിവിധ തരത്തിലുള്ള വിറ്റാമിനുകളും ധാതുക്കളും ലഭിക്കും. ശക്തമായ പേശികള്‍ക്കും നല്ല പ്രതിരോധ സംവിധാനത്തിനും ശരീരത്തിന് ലീന്‍ പ്രോട്ടീന്‍ ആവശ്യമാണ്. ഇതിനായി ഫ്രഷ് ചിക്കന്‍, മീന്‍, മുട്ട, പയര്‍വര്‍ഗ്ഗങ്ങള്‍, ബദാം എന്നിവ ഭക്ഷണത്തില്‍ ഉള്‍പ്പെടുത്തുക.
ജേര്‍ണലിസം പഠിച്ചവര്‍ക്ക് ഇന്റേൺഷിപ്പ്
പ്രമുഖ ഓണ്‍ ലൈന്‍ ന്യൂസ് പോര്‍ട്ടല്‍ ആയ പത്തനംതിട്ട മീഡിയയില്‍ ജേര്‍ണലിസം പഠിച്ചവര്‍ക്ക് ഇന്റേൺഷിപ്പ് ചെയ്യുവാന്‍ അവസരം. പത്തനംതിട്ട ഓഫീസില്‍ ആയിരിക്കും ഇന്റേൺഷിപ്പ് നല്‍കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്‍ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില്‍ വെബ്‌ ജേര്‍ണലിസ്റ്റ്, അവതാരകര്‍, റിപ്പോര്‍ട്ടര്‍ തുടങ്ങിയ തസ്തികകളില്‍ ജോലി ലഭിക്കുന്നതിന് മുന്‍ഗണനയുണ്ടായിരിക്കും. താല്‍പ്പര്യമുള്ളവര്‍ ബയോഡാറ്റ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് വിളിക്കാം – 94473 66263, 85471 98263, 0468 2333033.
