ന്യൂഡല്ഹി : യാത്രക്കാരുമായി പോയ എയര് ഇന്ത്യ വിമാനത്തിന് തീപിടിച്ചു. അടിയന്തിരമായി നിലത്തിറക്കി. ചിറകിന് തീപിടിച്ചതിനെ തുടര്ന്ന് 185 യാത്രക്കാരുമായി പട്ന-ഡെല്ഹി സ്പൈസ് ജെറ്റ് വിമാനം അടിയന്തരമായി നിലത്തിറക്കിയത്. ബിഹാറിലെ പട്നയിലെ ബിഹ്ത എയര്ഫോഴ്സ് സ്റ്റേഷനിലാണ് അടിയന്തരമായി ഇറക്കിയത്. 185 യാത്രക്കാരും സുരക്ഷിതരാണെന്നാണ് റിപോര്ട്. ഇത് ബോയിംഗ് 727 വിമാനം ആണെന്ന് വിമാനത്താവള വൃത്തങ്ങള് അറിയിച്ചു.
‘വിമാനത്തിന്റെ ഇടതു ചിറകില് തീ പിടിച്ചു. ഉടന് നിലത്തിറക്കി. രണ്ട് ബ്ലേഡുകള് വളഞ്ഞുപോയി. ഫുല്വാരി ഷെരീഫിലെ ആളുകള് തീപിടുത്തം കണ്ട് എയര്പോര്ട് അധികൃതരെ വിവരമറിയിക്കുകയായിരുന്നു,’ പട്ന ജില്ലാ മജിസ്ട്രേറ്റ് ചന്ദ്രശേഖര് സിംഗ് പറഞ്ഞു. സാങ്കേതിക തകരാറാണ് തീപിടിത്തത്തിന് കാരണമെന്നും എന്ജിനീയറിങ് സംഘം കൂടുതല് അന്വേഷണം നടത്തി വരികയാണെന്നും അദ്ദേഹം കൂട്ടിച്ചേര്ത്തു.