മസ്കറ്റ് : മസ്കറ്റ് – തിരുവനന്തപുരം എയര് ഇന്ത്യ എക്സ് പ്രസ് വിമാനം അടിയന്തിരമായി മസ്കറ്റ് അന്താരാഷ്ട്ര വിമാനത്താവളത്തില് തിരിച്ചിറക്കി. സാങ്കേതിക തകരാര് ശ്രദ്ധയില്പ്പെട്ടതോടെ മസ്കറ്റില് നിന്ന് പറന്നുയര്ന്ന് 45 മിനിറ്റിനു ശേഷമാണ് വിമാനം തിരിച്ചിറക്കിയത്. ഒമാന് സമയം രാവിലെ 10.30ന് പുറപ്പെടേണ്ടിയിരുന്ന IX 554 വിമാനം വൈകിട്ട് 3.30നാണ് പുറപ്പെട്ടത്.
രാവിലെ ഏഴ് മണി മുതല് തന്നെ യാത്രക്കാര് വിമാനത്താവളത്തിലെ ഒമ്പതാം ഗേറ്റില് എത്തിയിരുന്നു. എന്നാല് യാതൊരു വിശദീകരണവും നല്കാതെ പുറപ്പെടുന്ന സമയം 3.30ന് ആണെന്ന് അറിയിക്കുകയായിരുന്നു. യാത്രക്കാര്ക്ക് നല്കിയ ബോര്ഡിങ് പാസിലും സമയം 1.30 ആയിരിക്കുമെന്നാണ് രേഖപ്പെടുത്തിയിരുന്നത്. യാത്രക്കാരെ മറ്റൊരു വിമാനത്തില് തിരുവനന്തപുരത്തോ കൊച്ചിയിലോ എത്തിക്കുമെന്നാണ് അധികൃതരുടെ അറിയിപ്പ്.
