ആലപ്പുഴ: കഴിഞ്ഞ ദിവസം കൈനകിരിയില്‍ മടവീഴ്ച ഉണ്ടായതോടെ വീട് ഒലിച്ചുപോയ ഗോപിക്കുട്ടന് സുരക്ഷിത സ്ഥാനത്ത് സ്ഥലവും വീടും ലഭ്യമാക്കാന്‍ സര്‍ക്കാര്‍ തലത്തില്‍ ഇടപെടല്‍ നടത്തുമെന്ന് ജില്ല കളക്ടര്‍ ഹരിത വി. കുമാര്‍ പറഞ്ഞു. കുട്ടനാട്ടിലെ മടവീണ പ്രദേശങ്ങള്‍ കളക്ടര്‍ തിങ്കളാഴ്ച സന്ദര്‍ശിച്ചു. ചെറുകായല്‍ പാടശേഖരത്തിലാണ് മടവീണത്. കുട്ടനാട്ടിലെ ഏറ്റവും കൂടുതല്‍ കൃഷി നടക്കുന്ന പാടമാണ് ചെറുകായല്‍ പാടശേഖരം. ഇതിന് സമീപത്തെ 484 ഏക്കറിലെ ആറുപങ്ക് പാടശേഖരവും വെള്ളത്തിനടിയിലാണ്. പാടശേഖരങ്ങളുടെ പുറം ബണ്ഡിലായി 250 കുടുംബങ്ങളാണ് താമസിക്കുന്നത്. പ്രദേശവാസികളെ താമസിപ്പിച്ചിരിക്കുന്ന സെന്റ് മേരീസ് സ്‌കൂളിലെ ദുരിതാശ്വാസ ക്യാമ്പും കളക്ടര്‍ സന്ദര്‍ശിച്ചു.
കൈനകരി ഗ്രാമപഞ്ചായത്ത് പ്രസിഡന്റ് എം.സി. പ്രസാദ്, ദുരന്ത നിവാരണ വിഭാഗം ഡെപ്യൂട്ടി കളക്ടര്‍ ആശ സി. എബ്രഹാം, കുട്ടനാട് തഹസില്‍ദാര്‍ എസ്. അന്‍വര്‍, ഗ്രാമപഞ്ചായത്ത് വൈസ് പ്രസിഡന്റ് പ്രസീത മിനില്‍കുമാര്‍, വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.എ. പ്രമോദ്, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ സബിത മനു, പഞ്ചായത്ത് അംഗം എ.ഡി ആന്റണി, പഞ്ചായത്ത് അസിസ്റ്റന്റ് സെക്രട്ടറി പി. രാജീവ്, മറ്റ് ഉദ്യോഗസ്ഥര്‍ എന്നിവരും കളക്ടറോടെപ്പം ഉണ്ടായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
