അഖിലേന്ത്യാ കിസാൻ സഭ മാർച്ച് നടത്തി

റാന്നി : പ്രധാനമന്ത്രി കർഷകർക്ക് നൽകിയ വാഗ്ദാനങ്ങൾ നടപ്പിലാക്കുക, രാസവളത്തിന്റെ വിലക്കയറ്റം തടയുക, വന്യമൃഗങ്ങളുടെ ആക്രമണത്തിൽ നിന്നും കൃഷിയെ രക്ഷിക്കുക, കൃഷിനാശം ഉണ്ടായ കർഷകരെ സഹായിക്കുക എന്നീ ആവശ്യങ്ങൾ ഉന്നയിച്ചു കൊണ്ട് അഖിലേന്ത്യാ കിസാൻ സഭ റാന്നി മണ്ഡലം കമ്മിറ്റിയുടെ നേതൃത്വത്തിൽ റാന്നി പോസ്റ്റോഫീസിലേക്ക് മാർച്ചും ധർണ്ണയും നടത്തി. കിസാൻസഭ ജില്ലാ വൈസ് പ്രസിഡൻറ് ജോജോ കോവൂർ ഉദ്ഘാടനം ചെയ്തു. മണ്ഡലം പ്രസിഡൻറ് എൻ.ജി.പ്രസന്നൻ അധ്യക്ഷത വഹിച്ചു. ജോയി വള്ളിക്കാല, പി.ജെ ബാബു, സി.ആർ.സോമരാജൻ, സജി ശ്രീധർ, ആനന്ദൻ, ബിജു പൂവന്മല, ബിജു മോതിരവയൽ എന്നിവർ പ്രസംഗിച്ചു.