ആമസോണിന്റെ പ്രൈം പ്ലാനുകളുടെ വില കുറഞ്ഞ പതിപ്പാണ് ആമസോൺ പ്രൈം ലൈറ്റ്. സാധാരണക്കാരായ ഉപയോക്താക്കൾ കൂടി പ്രൈം പ്ലാനുകൾ ലഭിക്കാനാണ് ആമസോൺ ലൈറ്റ് അവതരിപ്പിച്ചത്. നിരവധി ഗുണങ്ങൾ ഈ പ്ലാനിലൂടെ ആമസോൺ ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. പ്രൈം പ്ലാനുകളുടെ എല്ലാ സൗകര്യങ്ങളും ലൈറ്റിൽ ലഭിക്കില്ല എങ്കിലും ഒരു പരിധിവരെ മികച്ച ഫീച്ചറുകൾ ഉപയോക്താക്കൾക്ക് ആസ്വദിക്കാൻ സാധിക്കുന്നതാണ്. അധിക നിരക്കുകൾ ഇല്ലാതെ തന്നെ ആമസോണിൽ നിന്ന് സാധനങ്ങൾ വാങ്ങാൻ ഈ പ്ലാൻ ഉപയോക്താക്കളെ സഹായിക്കുന്നുണ്ട്. മാത്രമല്ല രണ്ട് ദിവസത്തിനുള്ളിൽ ഡെലിവറിയും ആമസോൺ ലൈറ്റ് പ്ലാൻ ഉപയോക്താക്കൾക്ക് വാഗ്ദാനം ചെയ്യുന്നു. 999 രൂപയാണ് ആമസോൺ പ്രൈം ലൈറ്റിന്റെ സബ്സ്ക്രിപ്ഷൻ ചാർജ്. എന്നാൽ ഇപ്പോൾ ഇത് 799 രൂപയ്ക്ക് ലഭ്യമാണ്.
അതായത് ഒരു പ്ലാനിൽ 200 രൂപയുടെ ഡിസ്കൗണ്ട്. ഈ ഓഫറിന്റെ സഹായത്താൽ കൂടുതൽ ഉപയോക്താക്കൾ ആമസോണിൽ എത്തും എന്നാണ് ഇവർ പ്രതീക്ഷിക്കുന്നത്. ഈ പ്ലാൻ വഴി ഉപയോക്താക്കൾക്ക് ലഭിക്കുന്ന വിവധ നേട്ടങ്ങൾ എന്തെല്ലാമാണെന്ന് വിശദമായി പരിശോധിക്കാം. ഫാസ്റ്റ് ഡെലിവറി ആണ് ഇത്തരം പ്ലാനുകളുടെ പ്രധാന ആകർഷണം. സാധാരണഗതിയിൽ 5,6 ദിവസങ്ങൾ കൊണ്ട് എത്തേണ്ട സാധനം ഓർഡർ ചെയ്ത് പിറ്റേ ദിവസം തന്നെ എത്താൻ ഇത്തരം പ്ലാനുകൾ സഹായിക്കുന്നു. ചില ഉപകരണങ്ങൾക്ക് ഓർഡർ ചെയ്യുന്ന അതേ ദിവസം തന്നെ ഡെലിവറി അനുവദിക്കുന്നു. പ്രധാനമായും നഗരപ്രദേശങ്ങളിൽ താമസിക്കുന്നവർക്കാണ് ഈ സൗകര്യം കൂടുതലായി ലഭിക്കുക.
