അങ്കമാലി: മഞ്ഞപ്രയില്‍ നിന്ന് കൊവിഡ് രോഗിയുമായി കളമശേരി മെഡിക്കല്‍ കോളേജിലേക്ക് പോയ ആംബുലന്‍സ് കാറിലിടിച്ച്‌ നിയന്ത്രണം വിട്ട് ഷോപ്പിംഗ് കോംപ്ളക്സിലേക്ക് പാഞ്ഞു കയറി ഒരാള്‍ക്ക് പരിക്കേറ്റു. ആംബുലന്‍സില്‍ ഉണ്ടായിരുന്ന രോഗി പരിക്കേല്‍ക്കാതെ രക്ഷപെട്ടു. വ്യാഴാഴ്ച വൈകിട്ട് അങ്കമാലി ടി.ബി.ജംഗ്ഷനിലായിരുന്നു അപകടം.
ഷോപ്പിംഗ് കോംപ്ലക്‌സിന്റെ അരമതിലില്‍ ഇരുന്നിരുന്ന വാഴക്കാല സ്വദേശി നിസാറിനാ(56)ണ് പരിക്കേറ്റത്. ഇയാളെ അങ്കമാലി താലൂക്ക് ആശുപത്രിയില്‍ പ്രവേശിപ്പിച്ചു. ആളുടെ നില ഗുരുതരമല്ല. ആംബുലന്‍സ് ഇടിച്ചുതെറിപ്പിച്ച ബൈക്ക് തട്ടിയാണ് ഇയാള്‍ക്ക് പരിക്കേറ്റത്. രോഗിയെ മറ്റൊരു ആംബുലന്‍സില്‍ കളമശ്ശേരിയിലേക്ക് കൊണ്ടുപോയി.
