തിരുവനന്തപുരം : മുഖ്യമന്ത്രിക്ക് നല്കുന്ന സുരക്ഷയുടെ ഭാഗമായി പൊതുജനങ്ങളെ ഏറെ നേരം അനാവശ്യമായി വഴിയില് തടയുന്നില്ലെന്ന് സംസ്ഥാന പോലീസ് മേധാവി അനില് കാന്ത് വ്യക്തമാക്കി. കറുത്ത മാസ്ക് ധരിക്കുന്നതും കറുത്ത വസ്ത്രം ധരിക്കുന്നതും സുരക്ഷയുടെ പേരില് തടയില്ലെന്നും അദ്ദേഹം പറഞ്ഞു. ഇതു സംബന്ധിച്ച് നേരത്തേതന്നെ പോലീസ് ഉദ്യോഗസ്ഥര്ക്ക് നിര്ദേശം നല്കിയിരുന്നു. മുഖ്യമന്ത്രിക്ക് നല്കുന്ന സുരക്ഷയുടെ കാര്യത്തില് യാതൊരു തരത്തിലുള്ള വിട്ടുവീഴ്ചയും പാടില്ല. ക്രമസമാധാനവിഭാഗം എഡിജിപി, മേഖലാ ഐജി, റേഞ്ച് ഡിഐജി, ജില്ലാ പോലീസ് മേധാവിമാര് എന്നിവര്ക്ക് ഇതുസംബന്ധിച്ച നിര്ദ്ദേശം നല്കിയെന്നും ഡിജിപി അറിയിച്ചു.
പൊതുജനങ്ങളെ വഴിയില് തടയുന്നില്ലെന്ന് സംസ്ഥാന പോലീസ് മേധാവി
RECENT NEWS
Advertisment