കോട്ടയം : ആര്‍പ്പൂക്കരയില്‍ ദമ്പതികളുടെ സ്വകാര്യ ദൃശ്യങ്ങള്‍ മൊബൈലില്‍ പകര്‍ത്തിയ സംഭവത്തില്‍ യുവാവ് അറസ്റ്റില്‍. ആര്‍പ്പുക്കര സ്വദേശി അന്‍സലിനെ(29) ആണ് ഗാന്ധി നഗര്‍ പോലീസ് അറസ്റ്റ് ചെയ്തത്. രാത്രികാലങ്ങളില്‍ വീടിനടുത്ത് കയറിപ്പറ്റി ഒളിച്ചിരുന്ന് മൊബൈലില്‍ ദമ്പതിമാരുടെ സ്വകാര്യ ദൃശ്യങ്ങള്‍ പകര്‍ത്തുകയായിരുന്നു യുവാവെന്ന് പോലീസ് പറഞ്ഞു . ഇങ്ങനെ പകര്‍ത്തിയ ദൃശ്യങ്ങള്‍ ഇയാള്‍ സുഹൃത്തുക്കള്‍ക്ക് കൈമാറുകയായിരുന്നു . സംഭവം പുറത്തായതോടെ പോലീസ് നടത്തിയ പരിശോധനയിലാണ് യുവാവ് പിടിയിലായത്.
