പത്തനംതിട്ട : ലഹരി ഉപയോഗത്തിനെതിരായ ബോധവത്കരണവുമായി ഭാരതയാത്ര ആരംഭിച്ചു. ജില്ലയിലെ ആയുർവേദ-അലോപ്പതി മരുന്ന് മൊത്തവിതരണക്കാരായ അശ്വനി മെഡിക്കൽസ് സി.ഇ.ഒ. ഉണ്ണിദയാനന്ദൻ, ബിഗ്ഫീൽഡ് സി.ഇ.ഒ. ഫിലിപ്പ് അനിൽ ചെറിയാൻ എന്നിവരാണ് യാത്ര നടത്തുന്നത്. ജമ്മുകശ്മീർ വരെയുള്ള സംസ്ഥാനങ്ങളുടെ സന്ദർശനം.
ഒന്നരമാസംകൊണ്ട് പൂർത്തീകരിക്കാനാകുമെന്നാണ് പ്രതീക്ഷ. വിദ്യാഭ്യാസ സ്ഥാപനങ്ങൾ സന്ദർശിച്ച് ക്ലാസുകൾ എടുക്കും. പത്തനംതിട്ട ലയൺസ് മൈതാനത്ത് ആന്റോ ആന്റണി എം.പി. യാത്ര ഫ്ലാഗ് ഓഫ് ചെയ്തു. മുനിസിപ്പൽ ചെയർമാൻ സക്കീർ ഹുസൈൻ, വാർഡ് കൗൺസിലർ സാബു, കെ.പി.സി.സി. നിർവാഹക സമിതിയംഗം ജോർജ് മാമ്മൻ കൊണ്ടൂർ, ബി.ജെ.പി. ജില്ലാ ജനറൽ സെക്രട്ടറി പ്രദീപ് അയിരൂർ എന്നിവർ പ്രസംഗിച്ചു.
