തിരുവല്ല: പത്തനംതിട്ട പാർലമെന്റ് നിയോജമണ്ഡലത്തിൽ ആന്റോ ആന്റണിയുടെ വിജയം സുനിശ്ചിതമാണെന്ന് യുഡിഎഫ് ജില്ലാ ചെയർമാൻ അഡ്വ. വർഗീസ് മാമൻ പ്രസ്താവിച്ചു. ഇന്ത്യയിൽ വർഗീയ ചേരി തിരിവ് ഉണ്ടാക്കുന്ന ബിജെപിക്കെതിരെയും സംസ്ഥാനത്ത് ജനജീവിതം ദുസഹവും ദുരിതപൂർണവുമാക്കുന്ന പിണറായി സർക്കാരിനെതിരെയും ജനങ്ങൾ അതിശക്തമായ തിരിച്ചടി നൽകുമെന്ന് അദ്ദേഹം പറഞ്ഞു. യുഡിഎഫ് തിരുവല്ല മണ്ഡലം നേതൃത്വ ശിബിരം ഉദ്ഘാടനം ചെയ്ത സംസാരിക്കുകയായിരുന്നു അദ്ദേഹം.
യുഡിഎഫ് മണ്ഡലം ചെയർമാൻ ബിജു ലങ്കാഗിരി അദ്ധ്യക്ഷത വഹിച്ചു. യുഡിഎഫ് നിയോജക മണ്ഡലം ചെയർമാൻ ലാലു തോമസ്, കൺവീനർ വർഗീസ് ജോൺ, ഡിസിസി ജനറൽ സെക്രട്ടറി എബ്രഹാം കുന്നുകണ്ടത്തിൽ, കോൺഗ്രസ് ബ്ലോക്ക് പ്രസിഡന്റ് ഈപ്പൻ കുര്യൻ, ആർ ജയകുമാർ, കെ. പി. കൊന്താലം, അനു ജോർജ്, ജോസ് പഴയിടം, സജി എം മാത്യു, റോജി കട്ടാശ്ശേരി, സെബാസ്റ്റ്യൻ കാടുവെട്ടുർ, നെബു കൊട്ടക്കാട്, ഗിരീഷ് കാറ്റോട്, രാജേഷ് മലയിൽ, റെജി കാവുംഭാഗം, ജേക്കബ് ജോർജ് മനക്കൽ എന്നിവർ സന്നിഹിതരായിരുന്നു.
