തിരുവനന്തപുരം : സംസ്ഥാനത്ത് പ്ലസ് വൺ പ്രവേശനത്തിന് ചൊവ്വാഴ്ച കൂടി അപേക്ഷിക്കാം. ഹയർ സെക്കൻഡറി/വി.എച്ച്.എസ്.ഇ പ്രവേശനത്തിന്റെ അപേക്ഷ സമർപ്പണം ചൊവ്വാഴ്ച വൈകിട്ട് അഞ്ചിന് അവസാനിക്കും. മോഡല് റെസിഡന്ഷ്യല് സ്കൂളുകളിലേക്കുള്ള ഓണ്ലൈന് അപേക്ഷാ സമര്പ്പണവും ചൊവ്വാഴ്ച വൈകുന്നേരം അഞ്ചു മണി വരെയാണ്. ട്രയല് അലോട്ട്മെന്റ് മേയ് 24ന് വൈകിട്ട് നാലു മണിക്ക് പ്രസിദ്ധീകരിക്കും. പൊതുവിദ്യാഭ്യാസ വകുപ്പിന്റെ ഹയര്സെക്കന്ഡറി പ്രവേശന വെബ്സൈറ്റായ https;//hscap.kerala.gov.in/ ലെ CREATE CANDIDATE LOGIN – SWS ലിങ്കിലൂടെ വിദ്യാര്ഥികള്ക്ക് കാന്ഡിഡേറ്റ് ലോഗിന് സൃഷ്ടിക്കാം.
ഈ ലോഗിനിലൂടെയാണ് അപേക്ഷ സമര്പ്പണവും തുടര്ന്നുള്ള പ്രവേശന നടപടികളും. ജൂണ് രണ്ടിനാണ് ആദ്യ അലോട്ട്മെന്റ്. 10ന് രണ്ടാം അലോട്ട്മെന്റും 16ന് മൂന്നാം അലോട്ട്മെന്റും നടക്കും. ജൂണ് 18ന് പ്ലസ് വണ് ക്ലാസുകള് ആരംഭിക്കും. തുടര്ന്ന് പുതിയ അപേക്ഷ ക്ഷണിച്ച് സപ്ലിമെന്ററി അലോട്ട്മെന്റിലൂടെ ശേഷിക്കുന്ന ഒഴിവുകള് നികത്തും. ജൂലൈ 23ന് പ്രവേശന നടപടി അവസാനിപ്പിക്കും. ഇതുവരെ അപേക്ഷാ നടപടികൾ പൂർത്തികരിച്ചത് 4,44,112 പേരാണ്. എസ്എസ്എൽസിയിൽ നിന്ന് 4,15,027 പേരും സിബിഎസ്ഇയിൽ നിന്ന് 20,897 പേരും ഐസിഎസ്ഇയിൽ നിന്ന് 2,133 പേരും മറ്റിതര ബോർഡിൽനിന്നുള്ള 6,055 പേരുമാണ് അപേക്ഷ നൽകിയത്. മലപ്പുറത്താണ് കുടുതൽ അപേക്ഷകർ. 77,921 പേരാണ് അപേക്ഷ നടപടി പൂർത്തിയാക്കിയത്.
