പത്തനംതിട്ട : ആറന്മുള വാസ്തുവിദ്യാ ഗുരുകുലം ആസ്ഥാനമന്ദിര നിര്മാണോദ്ഘാടനം നാളെ (ഫെബ്രുവരി 22, ഞായര്) രാവിലെ 10 ന് ആറന്മുള എഞ്ചീനിയറിംഗ് കോളജ് ഓഡിറ്റോറിയത്തില് സാംസ്കാരിക വകുപ്പ് മന്ത്രി സജി ചെറിയാന് നിര്വഹിക്കും. ആരോഗ്യവകുപ്പ് മന്ത്രി വീണാ ജോര്ജ് അധ്യക്ഷത വഹിക്കും. ആന്റോ ആന്റണി എംപി മുഖ്യാതിഥിയായി പങ്കെടുക്കും. വാസ്തുവിദ്യാ ഗുരുകുലം എക്സിക്യൂട്ടീവ് ഡയറക്ടര് പി എസ് പ്രിയദര്ശനന് പദ്ധതി വിശദീകരിക്കും.
6000 ചതുരശ്ര അടി വിസ്തീര്ണത്തില് 20 കോടി രൂപ ചെലവിലാണ് ആസ്ഥാനമന്ദിരം നിര്മിക്കുന്നത്. ജില്ല പഞ്ചായത്ത് പ്രസിഡന്റ് ദീനാമ്മ റോയി, സാംസ്കാരിക വകുപ്പ് ഡയറക്ടര് ഡോ. ദിവ്യ എസ് അയ്യര്, ജില്ല കളക്ടര് എസ് പ്രേം കൃഷ്ണന്, വാസ്തുവിദ്യാ ഗുരുകുലം ചെയര്മാന് ഡോ. ജി ശങ്കര്, ത്രിതല പഞ്ചായത്ത് അംഗങ്ങള്, ജനപ്രതിനിധികള് തുടങ്ങിയവര് പങ്കെടുക്കും.
