ബ്യൂണസ് ഐറസ് : ലോകകപ്പ് യോഗ്യതാ മത്സരത്തില്‍ ബൊളീവിയയെ ആറ് ഗോളിന് തകര്‍ത്ത് അര്‍ജന്റീനക്ക് തകര്‍പ്പന്‍ ജയം. കളിക്കളത്തില്‍ തകര്‍ത്താടുകയായിരുന്നു സൂപ്പര്‍താരം ലയണല്‍ മെസ്സിയും കൂട്ടരും. രണ്ട് അസിസ്റ്റും ഹാട്രിക് ഗോളുകളുമായി കളം നിറയുകയായിരുന്നു മെസ്സി. സ്വന്തം തട്ടകത്തില്‍ നടന്ന മത്സരത്തില്‍ അര്‍ജന്റീനക്ക് വേണ്ടി മെസ്സിക്കൊപ്പം ലൗട്ടാരോ മാര്‍ട്ടിനസ്, ജൂലിയന്‍ അല്‍വാരസ്, തിയാഗോ അല്‍മാഡ എന്നിവരും വലകുലിക്കി. ലൗട്ടാരോ മാര്‍ട്ടിനസിന്റെ അസിസ്റ്റില്‍ 19-ാം മിനിറ്റില്‍ മെസ്സിയാണ് ഗോള്‍വേട്ടക്ക് തുടക്കമിട്ടത്.43-ാം മിനിറ്റില്‍ മെസ്സിയുടെ അസിസ്റ്റില്‍ മാര്‍ട്ടിനസ് ലീഡ് ഉയര്‍ത്തി. ആദ്യ പകുതി അവസാനിക്കാറായപ്പോള്‍ വീണ്ടും മെസ്സി നല്‍കിയ അസിസ്റ്റില്‍ ജൂലിയന്‍ അല്‍വാരസ് വലകുലുക്കി. രണ്ടാം പകുതിയില്‍ ആക്രമിച്ചു കളിച്ച അര്‍ജന്റീനക്ക് വേണ്ടി നാഹുവല്‍ മൊലിനയുടെ അസിസ്റ്റില്‍ തിയാഗോ അല്‍മാഡ നാലാം ഗോള്‍ നേടി. 84-ാം മിനിറ്റിലും 86-ാം മിനിറ്റിലും മെസ്സിയുടെ ഗോളുകള്‍. ഹാട്രിക്ക് തികച്ച് മെസ്സി. അര്‍ജന്റീന 6-0. 10 മത്സരങ്ങളില്‍ നിന്ന് 22 പോയിന്റുള്ള അര്‍ജന്റീന ലോകകപ്പ് യോഗ്യതാ പട്ടികയില്‍ ഒന്നാം സ്ഥാനത്ത് തുടരുകയാണ്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
