റാന്നി: റാന്നിയില് നാലു വാഹനങ്ങള് കൂട്ടിയിടിച്ച് എട്ടോളം പേര്ക്ക് പരിക്കേറ്റു. ഇവരെ വിവിധ ആശുപത്രികളില് പ്രവേശിപ്പിച്ചു. പരിക്കേറ്റവരുടെ കൂടുതല് വിവരങ്ങള് ലഭ്യമായിട്ടില്ല. ഇന്നു രാവിലെ പത്തരയോടെ പുനലൂര് – മൂവാറ്റുപുഴ സംസ്ഥാന പാതയിലെ മന്ദിരം പെട്രോള് പമ്പിന് സമീപം പുതുച്ചിറപടിയിലാണ് അപകടം ഉണ്ടായത്. പിക്കപ്പ് ഡെലിവറി വാഹനവും മിനി ഡെലിവറി വാഹനവും തമ്മിലുള്ള കൂട്ടിയിടിയില് ഓട്ടോയും ഇരുചക്ര വാഹനവും ഉള്പ്പെടുകയായിരുന്നു.
പത്തനംതിട്ട ഭാഗത്തു നിന്നും എത്തിയ പിക്കപ്പ് ഡെലിവറി വാന് ഡ്രൈവര് ഉറങ്ങിയത് മൂലം എതിരെ വന്ന ഡെലിവറി വാനില് ഇടിക്കുകയായിരുന്നു. തുടര്ന്ന് റോഡില് കരണം മറിഞ്ഞ വാനില് ഓട്ടോ ഇടിച്ചു കയറി. പെട്രോള് പമ്പ് റോഡില് നിന്നും ഇറങ്ങി വന്ന ഇരുചക്ര വാഹനവും ഈ വാനില് ഇടിച്ചു. ഓടിക്കൂടിയ നാട്ടുകാര് പരിക്കേറ്റവരെ അതുവഴി വന്ന വിവിധ വാഹനങ്ങളില് കയറ്റി ആശുപത്രിയില് എത്തിക്കുകയായിരുന്നു.
