തിരുവനന്തപുരം: നിരവധി പേരെ വിവാഹം വാഗ്ദാനം നല്കി കബളിപ്പിച്ച് പണം തട്ടിയ സ്ത്രീ തിരുവനന്തപുരത്ത് അറസ്റ്റില്. ഹണി ട്രാപ്പ് ഉള്പ്പെടെ നിരവധി കേസില് ഉള്പ്പെട്ട അശ്വതി അച്ചുവാണ് പിടിയിലായത്. പൂവാര് സ്വദേശിയായ 68 കാരനില് പണം തട്ടിയെടുത്ത കേസിലാണ് അശ്വതിയുടെ അറസ്റ്റ്. വിവാഹ വാഗ്ദാനം നല്കി പലപ്പോഴായി 40,000 രൂപയാണ് പ്രതി 68 കാരനില് നിന്ന് തട്ടിയത്.
പൂവാര് പോലീസാണ് പ്രതിയെ പിടിയിലായത്. ഈ പരാതിയില് അശ്വതി അച്ചുവിനെ പോലീസ് നേരത്തെ വിളിച്ച് വരുത്തി ചോദ്യം ചെയ്തിരുന്നു. എന്നാല് പണം കടമായി വാങ്ങിയതാണെന്നും തിരികെ നല്കാം എന്നുമായിരുന്നു ഇവര് പോലീസിനെ അറിയിച്ചത്. എന്നാല് ഇവര് പറഞ്ഞ കാലാവധി അവസാനിച്ചതോടെയാണ് അശ്വതി അച്ചുവിനെ അറസ്റ്റ് ചെയ്തത്.
