കുട്ടനാട് : കുട്ടനാട്ടിലെ കൈനകരി പഞ്ചായത്തിൽ വഴിയരികിൽ പാർക്ക് ചെയ്തിരുന്ന കാറുകളും ബൈക്കുകളും കത്തിച്ച സംഭവത്തിൽ പ്രതി പിടിയിലായി. മണ്ണഞ്ചേരി സ്വദേശിയായ മുപ്പത്തിരണ്ടുകാരനാണ് പിടിയിലായത്. ഇയാൾ മാനസികാസ്വാസ്ഥ്യമുള്ള ആളെന്ന് നെടുമുടി പോലീസ് പറയുന്നു.
ഇന്ന് പുലർച്ചെയോടെയാണ് വാഹനങ്ങൾ കത്തിച്ചത്. ഒരു കാറും ബൈക്കും സ്കൂട്ടറും ഉൾപ്പെടെ ആറ് വാഹനങ്ങൾ കത്തിച്ചതായാണ് വിവരം. കരമാർഗ്ഗമുള്ള യാത്രാസൗകര്യങ്ങളുടെ അഭാവം മൂലം കുട്ടനാട്ടിൽ ആളുകൾ വ്യാപകമായി റോഡരികിൽ വണ്ടികൾ നിർത്തിയിടാറുണ്ട്. വാഹനങ്ങൾ നിർത്തിയിട്ട സ്ഥലങ്ങളിലെ സ്ട്രീറ്റ് ലൈറ്റ് നശിപ്പിച്ച ശേഷമാണ് ആക്രമണം നടത്തിയത്.
