തിരുവനന്തപുരം : തനിക്കെതിരെ മുതിര്ന്ന കോണ്ഗ്രസ് നേതാവ് കെ.മുരളീധരന് എം.പി നടത്തിയ അധിക്ഷേപകരമായ പരാമര്ശത്തിനെതിരെ മേയര് ആര്യ രാജേന്ദ്രന് പരാതി നല്കി. കെ.മുരളീധരനെതിരെ മ്യൂസിയം പോലീസിലാണ് മേയര് പരാതി നല്കിയിരിക്കുന്നത്. ഡി.സി.സി യുടെ നേതൃത്വത്തില് സംഘടിപ്പിച്ച കോര്പറേഷന് ധര്ണയിലായിരുന്നു മുരളീധരന്റെ അധിക്ഷേപകരമായ പരാമര്ശങ്ങള്. കാണാന് നല്ല സൗന്ദര്യമുണ്ട്. പക്ഷെ വായില്നിന്ന് പുറത്തുവരുന്നത് കൊടുങ്ങല്ലൂര് ഭരണിപ്പാട്ടിനേക്കാള് ഭയാനകമായ ചില വര്ത്തമാനങ്ങളാണെന്നായിരുന്നു മുരളീധരന് പറഞ്ഞത്.
‘ദയവായി അരക്കള്ളന് മുക്കാല്ക്കള്ളനിലെ കനകസിംഹാസനത്തില് എന്ന പാട്ട് ഞങ്ങളെ കൊണ്ട് പാടിക്കരുത് എന്നു മാത്രമാണ് അവരോടു പറയാനുള്ളത്. കാണാന് നല്ല സൗന്ദര്യമൊക്കെയുണ്ട്. പക്ഷെ വായില്നിന്ന് വരുന്നത് കൊടുങ്ങല്ലൂര് ഭരണിപ്പാട്ടിനേക്കാള് ഭയാനകമായ ചില വര്ത്തമാനങ്ങളാണ്. ഇതൊക്കെ ഒറ്റ മഴയത്തു മാത്രം കിളുത്തതാണ്. മഴയുടേത് കഴിയുമ്പോഴേക്കും സംഭവം തീരും. ഇങ്ങനെ ഉള്ള ഒരുപാടു പേരെ കണ്ടിട്ടുള്ള നഗരസഭയാണ് ഇത്.’ ഇതായിരുന്നു മുരളീധരന്റെ വാക്കുകള്.
