കോഴിക്കോട്: കൂരാച്ചുണ്ടില് ശാരീരിക പീഡനത്തിന് ഇരയായ ആത്മഹത്യക്ക് ശ്രമിച്ച് ചികിത്സയിലായിരുന്ന റഷ്യന് യുവതി നാട്ടിലേക്ക് മടങ്ങി. ഇവരുടെ മാതാപിതാക്കള് ഇന്നലെയാണ് ടിക്കറ്റ് എടുത്ത് നല്കിയത്. രാവിലെ എട്ട് മണിക്ക് ദുബൈയിലേക്കുള്ള വിമാനത്തിലാണ് യുവതി മടങ്ങിയത്. സംഭവത്തില് പ്രതിയായ ആഖില് റിമാന്ഡിലാണ്. ആഖിലിന്രെ മര്ദനം സഹിക്കാനാകാതെയാണ് യുവതി ടെറസില് നിന്നും താഴേക്ക് ചാടിയത്.
കഴിഞ്ഞ ഫെബ്രുവരി 19നാണ് ലഹരിക്കടിമയായ ആഖില് റഷ്യന് യുവതിയുമായി കൂരാച്ചുണ്ടിലെ വീട്ടിലെത്തിയത്. വിവാഹിതരാകാനായി ഖത്തറില് നിന്നും നാട്ടിലെത്തിയതായിരുന്നു ഇവര്. പിന്നീട് ഇവര് തമ്മില് തര്ക്കമുണ്ടാകുകയും യുവതിയെ ആഖില് ക്രൂരമായി മര്ദിക്കുകയുമായിരുന്നു. പലതവണ യുവതിയെ ആഖില് മര്ദിച്ചിട്ടുണ്ടെന്ന് ഇയാളുടെ മാതാപിതാക്കളും സമ്മതിച്ചിട്ടുണ്ട്. റിമാന്ഡിലായ ആഖിലിനെതിരെ ബലാത്സംഗം അടക്കമുള്ള വകുപ്പുകളും ചുമത്തിയിട്ടുണ്ട്.
