തൃശൂർ : കുന്നംകുളത്ത് വൈദികന് നേരെ ആക്രമണം. കുന്നംകുളം ആർത്താറ്റ് മാർത്തോമ പള്ളിയിലെ വികാരി ഫാ.ജോബിക്ക് നേരെയാണ് അക്രമണമുണ്ടായത്. ഇടവക അംഗം വിൽസനാണ് ആക്രമിച്ചത്. ഇഷ്ടമില്ലാത്ത വിവാഹം കഴിപ്പിക്കാൻ ബന്ധുക്കളോടൊപ്പം ഫാ.ജോബി നിർബന്ധിച്ചു എന്നാരോപിച്ചായിരുന്നു ആക്രമണം. തലയിലും ശരീരത്തിലും സാരമായി പരിക്കേറ്റ വൈദികനെ കുന്നംകുളം റോയൽ ആശുപത്രിയിൽ പ്രവേശിപ്പിച്ചു. വിൽസനെ പോലീസ് കസ്റ്റഡിയിലെടുത്തു.
