മലപ്പുറം : പോപ്പുലര് ഫ്രണ്ട് പോലുള്ള സംഘടനകളെ നിരോധിക്കുകയല്ല മറിച്ച് ആശയപരമായി നേരിടുകയാണ് വേണ്ടതെന്ന് മുസ്ലിം ലീഗ് സംസ്ഥാന സെക്രട്ടറി കെ.എം.ഷാജി. എസ്ഡിപിഐ, പോപ്പുലര് ഫ്രണ്ട് മുതലായ സംഘടനകള് ജമാഅത്തെ ഇസ്ലാമിയുടെ പ്രായോഗിക പതിപ്പാണെന്നും ഇവയെ സംവാദങ്ങളിലൂടെ നേരിടണമെന്നും ഷാജി പറഞ്ഞു.
ഒരു സംഘടനയെയും നിരോധിക്കുന്നതിനെ ഞാന് വ്യക്തിപരമായി അംഗീകരിക്കുന്നില്ല. കാരണം നിങ്ങള് ഒരു സംഘടനയെ നിരോധിക്കുകയാണെങ്കില് അത് മറ്റൊരു രൂപത്തില് തിരിച്ചുവരും. ഇത്തരത്തിലുള്ള ഉദാഹരണങ്ങള് നമുക്ക് മുമ്പിലുണ്ട്. എന്നാല് പ്രത്യയശാസ്ത്രപരമായ ചര്ച്ചകളിലൂടെ നമുക്ക് അവയെ അപ്രസക്തമാക്കാന് കഴിയും ഷാജി അഭിപ്രായപ്പെട്ടു.