പാലക്കാട് : അട്ടപ്പാടി ആദിവാസി ഊരുകളിൽ സന്നദ്ധ സംഘടനയുടെ മരുന്ന് വിതരണം വിവാദത്തിൽ. എച്ച്.ആർ.ഡി.എസ് എന്ന സംഘടനാ ഹോമിയോ മരുന്ന് അനുമതിയില്ലാതെയാണ് വിതരണം ചെയ്തതെന്നാണ് ആരോപണം.
ആദിവാസികളിൽ നിന്ന് ആധാർ കാർഡ് വിവരങ്ങൾ ശേഖരിച്ചതിലും ദുരൂഹതയുണ്ടെന്നും ആരോപണമുണ്ട്. അട്ടപ്പാടി ബ്ലോക്ക് പഞ്ചായത്തും ഷോളയൂർ ഗ്രാമപഞ്ചായത്തും വിഷയം ചൂണ്ടിക്കാട്ടി പരാതി നൽകി. പാർട്ടി സംഘടനകളായ സി.പി.ഐ.എമ്മും എൻ.സി.പി.യും ഡി.വൈ.എഫ്.ഐ.യും വിഷയത്തിൽ ആരോഗ്യവകുപ്പിനുൾപ്പെടെ പരാതി നൽകിയിട്ടുണ്ട്.