നെടുമങ്ങാട് : അയല്‍വാസിയെ കൊലപ്പെടുത്താന്‍ ശ്രമിച്ച കേസിലെ പ്രതിയെ അറസ്റ്റ് ചെയ്തു. അരുവിക്കരക്ക് സമീപം കടമ്പനാട് പഴയത്ത് പുത്തന്‍ വീട്ടില്‍ വില്യംസിനെ (51) യാണ് അറസ്റ്റ് ചെയ്തത്. അയല്‍വാസിയായ കടമ്പനാട് പരുത്തന്‍പാറ റോഡരികത്ത് വീട്ടില്‍ മണികണ്ഠനെ (46) കൊലപ്പെടുത്താന്‍ ശ്രമിച്ച കേസില്‍ അരുവിക്കര പോലീസ് കേസെടുത്തത്. ഏപ്രില്‍ 29നാണ് കേസിനാസ്പദമായ സംഭവം.
പൊതുപൈപ്പില്‍നിന്നും കുളിക്കുന്നതിനെ ചൊല്ലിയുണ്ടായ തര്‍ക്കങ്ങളെ തുടര്‍ന്ന് വില്യംസ് റബര്‍ ടാപ്പിങിന്‌ ഉപയോഗിക്കുന്ന കത്തി ഉപയോഗിച്ച്‌ മണികണ്ഠനെ കുത്തിക്കൊലപ്പെടുത്താന്‍ ശ്രമിച്ചുവെന്നാണ് കേസ്. അരുവിക്കര പോലീസ് ഇന്‍സ്പെക്ടര്‍ ഷിബുകുമാര്‍, സബ് ഇന്‍സ്പെക്ടര്‍മാരായ കിരണ്‍ശ്യം, ബിനീഷ്ഖാന്‍, സി.പി.ഒ ആദര്‍ശ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
