തിരുവനന്തപുരം : ആറ്റുകാല്‍ ഭഗവതി ക്ഷേത്രത്തിലെ പൊങ്കാല ഫെബ്രുവരി 17ന്. പൊങ്കാല മഹോത്സവത്തിന്റെ കലാപരിപാടികള്‍ സൂപ്പര്‍ താരം മോഹന്‍ലാല്‍ ഉദ്ഘാടനം ചെയ്യും. ഒന്നാം ദിവസമായ ഫെബ്രുവരി 9ന് വൈകീട്ട് 6.30നാണ് കലാപരിപാടികളുടെ ഉദ്ഘാടനം. അന്ന് രാവിലെ 10.50നാണ് കാപ്പ് കെട്ടി കുടിയിരുത്തല്‍.
കോവിഡ് പശ്ചാത്തലത്തില്‍ സര്‍ക്കാര്‍ എടുക്കുന്ന തീരുമാനത്തിന്റെ അടിസ്ഥാനത്തിലായിരിക്കും പൊങ്കാല. 17ന് രാവിലെ 10.50നാണ് പൊങ്കാല അടുപ്പില്‍ തീ പകരുന്നത്. ഉച്ചയ്ക്ക് 1.20ന് പൊങ്കാല നിവേദ്യം. ഉത്സവം 18ന് സമാപിക്കും. മൂന്നാം ഉത്സവദിവസമായ 11ന് രാവിലെ 8.30നാണ് കുത്തിയോട്ട വ്രതം ആരംഭിക്കുന്നത്. 17ന് കുത്തിയോട്ടത്തിന് ചൂരല്‍ കുത്തുന്നത് രാത്രി 7.30നാണ്.
