തിരുവനന്തപുരം : നെടുമങ്ങാട് വില്പ്പനക്കാരനെ മര്ദിച്ച് ലോട്ടറി പിടിച്ചുപറിച്ച ഓട്ടോ ഡ്രൈവര് പിടിയില്. നെടുമങ്ങാട് -ആനാട് മന്നൂര്കോണം കുന്നത്തുമല തടത്തരികത്തു വീട്ടില് രവിയെയാണ് (48) നെടുമങ്ങാട് പോലീസ് അറസ്റ്റു ചെയ്തത്. ഓട്ടോറിക്ഷ ഡ്രൈവറായ രവി കഴിഞ്ഞ ദിവസം രാവിലെ നെടുമങ്ങാട് കല്ലിഗല് ജംക്ഷനില് ബിവറേജ് ഔട്ട്ലെറ്റിനു സമീപം ലോട്ടറി വില്പനക്കാരനായ മണിയനില് (65) നിന്നും ടിക്കറ്റ് തട്ടിയെടുത്തത്.
ഏപ്രില് ഒന്നിന് നറുക്കെടപ്പു നടന്ന കേരള സര്ക്കാര് നിര്മല് ഭാഗ്യക്കുറിയുടെ 23 ടിക്കറ്റുകള് ദേഹോപദ്രവം ഏല്പ്പിച്ചു പിടിച്ചു പറിച്ചെടുത്തതിനാണ് ഇയാളെ പോലീസ് പിടിച്ചത്. മണിയന്റെ പരാതിയില് പോലീസ് കേസെടുത്ത് നടത്തിയ അന്വേഷണ ത്തിലാണ് പ്രതി പിടിയിലായത്. നെടുമങ്ങാട് പോലീസ് ഇന്സ്പെക്ടര് സന്തോഷ് കുമാര്, എസ്ഐ സുനില് ഗോപി, സീനിയര് സിവില് പോലീസ് ഓഫീസര്മാരായ ബിജു സി, സുരേഷ് ബാബു എന്നിവര് ചേര്ന്നാണ് പ്രതിയെ അറസ്റ്റു ചെയ്ത് കോടതിയില് ഹാജരാക്കിയത്.
