തിരുവനന്തപുരം: കേന്ദ്രസര്ക്കാര് ഇന്ധന വില വര്ദ്ധിപ്പിക്കുന്നതില് പ്രതിഷേധിച്ച് സംസ്ഥാന വ്യാപാകമായി ഓട്ടോ ടാക്സി ജീവനക്കാര് ഇന്ന് പണിമുടക്ക് നടത്തും. രാവിലെ ആറുമണിക്ക് ആരംഭിക്കുന്ന പണിമുടക്ക് 12 മണിവരെ നീളും. എന്നാല് സമര കേന്ദ്രങ്ങളില് രോഗികള്ക്ക് സഞ്ചരിക്കാനായി പ്രത്യേക വാഹനവും ആംബുലന്സുകളും ക്രമീകരിക്കും.
കൂടെതെ കണ്ടൈന്മെന്റ് സോണിലൊഴികെ കേന്ദ്ര സര്ക്കര് ഓഫീസിനുമുന്നില് പ്രതിഷേധ ധര്ണ സംഘടിപ്പിക്കുമെന്ന് സമരസമിതി നേതാക്കള് പ്രസ്താവനയില് അറിയിച്ചു. പെട്രോളും ഡീസലും ടാക്സി വാഹനങ്ങള്ക്ക് സബ്സിഡി നിരക്കില് നല്കുക. പെട്രോളും ഡീസലും ജി.എസ്.ടി പരിധിയില് കൊണ്ടുവരിക, പെട്രോള്, ഡീസല് വില വര്ധന പിന്വലിക്കുക, ഓട്ടോ ടാക്സി നിരക്ക് കാലോചിതമായി പുതുക്കുക തുടങ്ങിയവയാണ് സമരക്കാര് ഉന്നയിക്കുന്ന ആവശ്യങ്ങള്.
