പീരുമേട് : വണ്ടിപ്പെരിയാർ വാളാടിക്ക് സമീപം ഓട്ടോറിക്ഷയിൽ കാറിടിച്ച് അപകടം. അപകടത്തിൽ നാലുപേർക്ക് പരുക്കേറ്റു. ഒരാളുടെ പരിക്ക് ഗുരുതരം. അറുപത്തിരണ്ടാം മൈൽ ലക്ഷം വീട് കോളനിയിൽ മഞ്ജുള 44 നാണ് തലക്ക് ഗുരുതര പരുക്കേറ്റത്. ബുധനാഴ്ച വൈകിട്ട് ഏഴരക്കാണ് അപകടം നടന്നത്. വണ്ടിപ്പെരിയാറിൽ നിന്നും 62 ലേക്ക് പോയ ഓട്ടോറിക്ഷയിലാണ് എതിർ ഭാഗത്തുനിന്നു വന്ന ആൾട്ടോ കാർ ഇടിച്ചത്. ഇടിയുടെ ആഘാതത്തിൽ ഓട്ടോറിക്ഷയിലെ യാത്രക്കാരിയായിരുന്ന മഞ്ജുള ഓട്ടോറിക്ഷയ്ക്ക് അടിയിൽ പെടുകയും തലക്ക് പരുക്ക് ഏൽക്കുകയും ആയിരുന്നു. തുടർന്ന് ഓടിക്കൂടിയ നാട്ടുകാർ മഞ്ജുളയെ വണ്ടിപ്പെരിയാർ സഹകരണ ആശുപത്രിയിലും പിന്നീട് കോട്ടയം മെഡിക്കൽ കോളജിലും എത്തിക്കുകയായിരുന്നു. ഓട്ടോ ഇടിച്ചിട്ടിട്ട് കടന്നുപോയ ഓൾട്ടോ കാറിനായി പോലീസ് അന്വേഷണം ആരംഭിച്ചു. യാത്രക്കാരായിരുന്ന മഞ്ജുളയുടെ ഭർത്താവ് മണി, പെരിയാർ സ്വദേശി മെൽബിൻ, ഓട്ടോറിക്ഷ ഡ്രൈവർ ചേരൻ എന്നിവർ നിസ്സാര പരുക്കുകളോടെ രക്ഷപ്പെട്ടു. വണ്ടിപ്പെരിയാർ പോലീസ് മേൽനടപടികൾ സ്വീകരിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
