Wednesday, July 2, 2025 3:26 pm

യുപിയിലെ മധുരയില്‍ കൊല്ലപ്പെട്ട ആയുഷി യാദവിന്‍റെത് ദുരഭിമാനക്കൊല ; മാതാപിതാക്കള്‍ അറസ്റ്റില്‍

For full experience, Download our mobile application:
Get it on Google Play

ന്യൂഡല്‍ഹി : യുപിയിലെ മധുരയില്‍ കൊല്ലപ്പെട്ട ആയുഷി യാദവിന്‍റെത് ദുരഭിമാനക്കൊലപാതകം. മറ്റൊരു ജാതിയില്‍പ്പെട്ട യുവാവിനെ വിവാഹം കഴിച്ച 22കാരിയായ യുവതിയെ കൊലപ്പെടുത്തിയത് സ്വന്തം പിതാവെന്ന് പോലീസ് കണ്ടെത്തല്‍. യുവതിയുടെ അമ്മയുടെയും സഹോദരന്‍റെയും അറിവോടെയാണ് പിതാവ് കൊലപാതകം നടത്തിയത്. കഴിഞ്ഞ ദിവസമാണ് വെട്ടി നുറുക്കി സ്യൂട്ട്‌കേസിലാക്കിയ യുവതിയുടെ മൃതദേഹം കണ്ടെത്തിയത്. പിന്നാലെ നടത്തിയ അന്വേഷണത്തിലാണ് കൊലപാതകം നടത്തിയത് പെണ്‍കുട്ടിയുടെ പിതാവാണെന്ന് കണ്ടെത്തിയത്.

മറ്റൊരു ജാതിയില്‍പ്പെട്ട യുവാവിനെ ആയുഷി വിവാഹം ചെയ്തത് പിതാവിനെ പ്രകോപിതനാക്കി. പെണ്‍കുട്ടിയുടെ മാതാപിതാക്കളെ അറസ്റ്റ് ചെയ്തതായി മധുര പോലീസ് അറിയിച്ചു. അന്യജാതിക്കാരനെ മകള്‍ വിവാഹം ചെയ്തതും പതിവായി വീട്ടുകാരെ ധിക്കരിച്ച്‌ രാത്രിയില്‍ പുറത്തുപോകുന്നതും പിതാവ് നിതേഷ് യാദവിനെ പ്രകോപിതനാക്കി. വീട്ടുകാരോട് പറയാതെയാണ് ഛത്രപാല്‍ എന്നയാളെ ആയുഷി വിവാഹം കഴിച്ചതെന്ന് പോലീസ് പറയുന്നു. ഭാര്യയുടെയും മകന്‍റെയും അറിവോടെ നിതേഷ് ലൈസന്‍സുള്ള തോക്ക് ഉപയോഗിച്ച്‌ ആയുഷിയെ വെടിവച്ച്‌ വീഴ്‌ത്തുകയും മൃതദേഹം സ്യൂട്ട്കേസില്‍ പൊതിഞ്ഞ് മധുരയില്‍ തള്ളുകയുമായിരുന്നു.

കഴിഞ്ഞ വെള്ളിയാഴ്ചയാണ് വലിയൊരു സ്യൂട്ട്‌കേസില്‍ ആയുഷിയുടെ മൃതദേഹം തൊഴിലാളികള്‍ കണ്ടെത്തിയത്. ശരീരമാസകലം മുറിവുള്ള മൃതദേഹം പ്ലാസ്റ്റിക് ഉപയോഗിച്ച്‌ പൊതിഞ്ഞ നിലയിലായിരുന്നു. പെണ്‍കുട്ടിയെ തിരിച്ചറിയാനായി സിസിടിവി ദൃശ്യങ്ങളും ഫോണ്‍ വിവരങ്ങളും പോലീസ് പരിശോധിച്ചു. ഡല്‍ഹിയില്‍ പോസ്റ്ററുകളും പതിച്ചു. ഞായറാഴ്ച അജ്ഞാത കോള്‍ വഴി പെണ്‍കുട്ടിയുടെ വിവരങ്ങള്‍ ലഭിച്ചതോടെ ആയുഷിയുടെ കുടുംബത്തെ കണ്ടെത്തി.

തുടര്‍ന്ന് ആയുഷിയുടെ അമ്മയും സഹോദരനും ഫോട്ടോയിലൂടെ മൃതദേഹം തിരിച്ചറിഞ്ഞു. പിതാവിനെ ചോദ്യം ചെയ്തതോടെ കൊലപാതക വിവരങ്ങളും പുറത്തുവന്നു. ഉത്തര്‍പ്രദേശിലെ ഗൊരഖ്പുരിലെ ബലൂനി സ്വദേശിയാണ് നിതേഷ്. ജോലി ലഭിച്ചതോടെ കുടുംബം ദക്ഷിണ ഡല്‍ഹിയിലെ ബദര്‍പൂരിലേക്ക് താമസം മാറ്റുകയായിരുന്നു. ഡല്‍ഹിയില്‍ ബിരുദ വിദ്യാര്‍ത്ഥിനിയായിരുന്നു ആയുഷി ചൗധരി.

dif
ncs-up
rajan-new
previous arrow
next arrow
Advertisment
life new add up
silpa-up
asian
WhatsAppImage2022-07-31at72444PM
life-line
previous arrow
next arrow

FEATURED

സുരേഷ് ഗോപി ചിത്രം ജാനകി വേഴ്‌സസ് സ്റ്റേറ്റ് ഓഫ് കേരള സിനിമ കാണാമെന്ന് ഹൈക്കോടതി

0
കൊച്ചി: പ്രദർശനാനുമതി നിഷേധിക്കപ്പെട്ട സുരേഷ് ഗോപി ചിത്രം ജാനകി വേഴ്‌സസ് സ്റ്റേറ്റ്...

പള്ളിക്കലില്‍ വൈദ്യുതി മുടക്കം പതിവ് ; പരാതി പറഞ്ഞ് മടുത്ത് നാട്ടുകാര്‍

0
പള്ളിക്കൽ : മഴക്കാലമാകുമ്പോൾ പള്ളിക്കൽ നിവാസികൾ നേരിടുന്ന ഏറ്റവും വലിയ...

അമിത വേഗത്തിലെത്തിയ കാർ പെട്ടെന്ന് വെട്ടിക്കാൻ ശ്രമിച്ചതിനെ തുടർന്നുണ്ടായ അപകടത്തിൽ അഞ്ച് പേർ മരിച്ചു

0
ബംഗളുരു: അമിത വേഗത്തിലെത്തിയ ഇന്നോവ കാർ റോഡിൽ പെട്ടെന്ന് വെട്ടിക്കാൻ ശ്രമിച്ചതിനെ...

പത്തനംതിട്ടയിലെ സ്വകാര്യ ഫ്ലാറ്റിൽ ഗുരുതര നിയമലംഘനങ്ങൾ ; അപാകതകൾ അടിയന്തിരമായി പരിഹരിക്കണമെന്ന് മനുഷ്യാവകാശ കമ്മിഷൻ

0
പത്തനതിട്ട : പിറ്റിസി വെസ്റ്റേൺ ഗഡ്സ് അപ്പാർട്ട്മെന്റ് ഫ്ലാറ്റ് സമുച്ചയത്തിൽ...