റാന്നി : ഇന്ത്യൻ ഇന്ത്യൻ സ്വാതന്ത്ര്യ സമരത്തിന്റെ 75ആം വാർഷികത്തോടനുബന്ധിച്ച് അഖിലേന്ത്യാ കോൺഗ്രസ് കമ്മിറ്റിയുടെ ആഹ്വാനപ്രകാരം പത്തനംതിട്ട ജില്ലാ കോൺഗ്രസ് കമ്മിറ്റി പ്രസിഡന്റ് പ്രൊഫസർ സതീഷ് കൊച്ചുപറമ്പിൽ നയിക്കുന്ന ആസാദ് കീ ഗൗരവ് പദയാത്ര രണ്ടാം ദിവസമായ ഇന്ന് റാന്നി മന്ദമരുതിയില്‍ ആരംഭിക്കും.
രാവിലെ 10മണിക്ക് കെ.പി.സി.സി ഉപാധ്യക്ഷൻ വി ടി ബൽറാം എംഎൽഎ പദയാത്ര ഉദ്ഘാടനം ചെയ്യും. ഉച്ചയ്ക്ക് റാന്നി പേട്ടയിൽ സമാപിക്കും. ഉച്ചക്ക് ശേഷം ചാലാപള്ളിയിൽ നിന്നും ആരംഭിക്കുന്ന പദയാത്ര അഞ്ചുമണിക്ക് ചുങ്കപ്പാറയിൽ സമാപിക്കുമെന്ന് വൈസ് ക്യാപ്റ്റൻമാരായ അഡ്വ. വെട്ടൂർ ജ്യോതി പ്രസാദ്, അനിൽ തോമസ് എന്നിവർ അറിയിച്ചു. സമാപന സമ്മേളനം എ.ഐ.സി.സി സെക്രട്ടറി പി സി വിഷ്ണുനാഥ് എംഎൽഎ ഉദ്ഘാടനം ചെയ്യും. പദയാത്രയിൽ ആയിരക്കണക്കിന് പ്രവർത്തകർ മൂവർണക്കൊടിയും ദേശീയത വിളിച്ചോതുന്ന മുദ്രാവാക്യങ്ങളുമായി അണിനിരക്കും.
