ബംഗളൂരു: ബംഗളൂരു വൈറ്റ് ഫീൽഡ് ബ്രൂക്ക് ഫീൽഡിലെ രാമേശ്വരം കഫേയിലുണ്ടായ ബോംബ് സ്ഫോടനവുമായി ബന്ധപ്പെട്ട കേസിൽ അന്വേഷണ സംഘം ബെള്ളാരിയിൽനിന്നും ബംഗളൂരുവിൽനിന്നുമായി നാലുപേരെ കസ്റ്റഡിയിലെടുത്തു.
തീവ്രവാദ കേസിൽ ബെള്ളാരി ജയിലിൽ കഴിയുന്ന മിനാജ്, പരപ്പന അഗ്രഹാര സെൻട്രൽ ജയിലിൽ കഴിയുന്ന ബെള്ളാരി സ്വദേശി സെയ്ദ് സമീർ (19), മുംബൈ സ്വദേശി അനസ് ഇഖ്ബാൽ ഷെയ്ക് (23), ഡൽഹി സ്വദേശി ഷയാൻ റഹ്മാൻ എന്ന ഹുസൈൻ (26) എന്നിവരെയാണ് ചോദ്യം ചെയ്യലിനായി എൻ.ഐ.എ സംഘം കസ്റ്റഡിയിലെടുത്തത്. പ്രതികൾക്ക് മുഖ്യപ്രതിയുമായി ബന്ധമുണ്ടെന്ന നിരീക്ഷണത്തിലാണ് അന്വേഷണ സംഘം.
