തിരുവനന്തപുരം : മാധ്യമപ്രവര്ത്തകനെ വാഹനമിടിച്ച് കൊലപ്പെടുത്തിയ കേസില് ശ്രീറാം വെങ്കിട്ടരാമന് കോടതിയുടെ അന്ത്യശാസനം. അടുത്ത മാസം 12 ന് കോടതിയില് ശ്രീറാം നേരിട്ട് ഹാജരാകണം. മൂന്ന് പ്രാവശ്യം ആവശ്യപ്പെട്ടിട്ടും ശ്രീറാം ഹാജരായില്ല. രണ്ടാം പ്രതി വഫ ഫിറോസ് കോടതിയില് ഹാജരായി ജാമ്യമെടുത്തിരുന്നു.
മദ്യലഹരിയില് അമിതവേഗത്തില് ശ്രീറാം വെങ്കിട്ടരാമന് ഓടിച്ച കാറിടിച്ചാണ് മാധ്യമപ്രവര്ത്തകന് കെ എം ബഷീര് മരിച്ചത്. മ്യൂസിയം പോലീസ് സ്റ്റേഷന്റെ മൂക്കിന് മുന്നിലുണ്ടായ അപകടത്തില് തുടക്കം മുതല് ശ്രീറാമിനെ രക്ഷിക്കാന് നടന്ന ഉന്നതതല നീക്കങ്ങള് കേരളം വലിയ രീതിയില് ചര്ച്ച ചെയ്തതാണ്.
മദ്യലഹരിയിലായിരുന്ന ശ്രീറാമാണ് വാഹനമോടിച്ചതെന്ന് ദൃക്സാക്ഷികള് മൊഴി നല്കിയിട്ടും കേസ് എടുക്കാന് ആദ്യം പോലീസ് മടിച്ചു. ശ്രീറാമിന്റെ നിര്ബന്ധത്തിന് വഴങ്ങി മദ്യപിച്ചിട്ടുണ്ടോ എന്ന പരിശോധനപോലും നടത്താതെ സ്വകാര്യ ആശുപത്രിയിലേക്കും പറഞ്ഞയച്ചു. ഒടുവില് കടുത്ത സമ്മര്ദ്ദം ഉയര്ന്നപ്പോള് മാത്രം കേസെടുത്തു. സ്വകാര്യ ആശുപത്രിയില് വളരെ വൈകി നടത്തിയ പരിശോധനയില് മദ്യത്തിന്റെ അംശം കണ്ടെത്താന് കഴിയാത്തതോടെ കേസ് ശ്രീറാമിന്റെ അന്വേഷണം ആരംഭിച്ചു.
