ഇന്ന് ദേഹത്ത് തേച്ച് കുളിക്കാന്‍ നിരവധി എണ്ണകള്‍ ലഭ്യമാണ്. എന്നാല്‍ ഇവയൊക്കെ പ്രചാരത്തില്‍ വരുന്നതിന് മുന്‍പ് പണ്ടത്തെ ആളുകള്‍ അധികവും ഉപയോഗിച്ചിരുന്നത് വെളിച്ചെണ്ണയായിരുന്നു. ദേഹം മൊത്തം വെളിച്ചെണ്ണ തേച്ച് പിടിപ്പിച്ചായിരുന്നു കുളിച്ചിരുന്നത്. ഇത്തരത്തില്‍ വെളിച്ചെണ്ണ തേച്ച് കുളിച്ചാല്‍ നമ്മളുടെ ചര്‍മ്മത്തിന് നിരവധി ഗുണങ്ങള്‍ ലഭിക്കുന്നുണ്ട്. അവ എന്തെല്ലാമെന്ന് നോക്കാം. ചര്‍മ്മത്തില്‍ അണുക്കള്‍ കയറിയാലും അത് നമ്മളുടെ ചര്‍മ്മത്തിന്റെ ആരോഗ്യത്തെ കാര്യമായി തന്നെ ബാധിക്കുന്നുണ്ട്.
ചിലപ്പോള്‍ ചര്‍മ്മത്തില്‍ കുരുക്കള്‍ പൊന്താനും അതുപോലെ തന്നെ ചര്‍മ്മത്തില്‍ ഫംഗല്‍ ഇന്‍ഫക്ഷന്‍ വരാനുമെല്ലാം ഇത്തരം അണുക്കൾ കാരണമായേക്കാം. ഇവ ഇല്ലാതിരിക്കാന്‍ വെളിച്ചെണ്ണ വളരെയധികം സഹായിക്കുന്നുണ്ട്. വെളിച്ചെണ്ണയില്‍ അടങ്ങിയിരിക്കുന്ന ഫാറ്റി ആസിഡ് ചര്‍മ്മം നല്ല ആരോഗ്യത്തോടെ ഇരിക്കുന്നതിന് സഹായിക്കുന്നു. മുഖക്കുരു വരാതിരിക്കാനും ചര്‍മ്മത്തില്‍ അലര്‍ജികള്‍ വരുന്നത് കുറയ്ക്കാനും സഹായിക്കുന്നുണ്ട്.
ചര്‍മ്മം അത്യാവശ്യം മോസ്ച്വര്‍ ചെയ്ത് നിന്നാല്‍ മാത്രമാണ് മുഖം വരണ്ട് പോകാതിരിക്കുക. അതുപോലെ ചര്‍മ്മത്തില്‍ വേഗത്തില്‍ ചുളിവുകള്‍ വീഴാതിരിക്കാനും ചര്‍മ്മത്തിന് നല്ല തിളക്കവും ഭംഗിയും ലഭിക്കണമെങ്കിലും ചര്‍മ്മം മോയ്‌സ്ച്വറൈസ് ചെയ്യേണ്ടത് അനിവാര്യമാണ്. ഇതിന് വെളിച്ചെണ്ണ നല്ലതാണ്. ചിലര്‍ രാത്രിയില്‍ മുഖത്ത് വെളിച്ചെണ്ണ പുരട്ടി മസാജ് ചെയ്യുന്നത് കാണാം. അതുപോലെ തന്നെ കുളിക്കുന്നതിന് മുന്‍പ് വെളിച്ചെണ്ണ മുഖത്ത് പുരട്ടി ഒന്ന് മസാജ് ചെയ്യുന്നത് ചര്‍മ്മം മോയ്‌സ്ച്വറൈസ് ചെയ്ത് നിലനില്‍ക്കാന്‍ സഹായിക്കും
ചര്‍മ്മത്തിന് നല്ല യുവത്വം നല്‍കാനും ചര്‍മ്മത്തിലെ ചുളിവുകള്‍ മാറ്റി കൊളാജീന്‍ ഉല്‍പാദനം വര്‍ദ്ധിപ്പിക്കാനും വെളിച്ചെണ്ണ നല്ലതാണ്. അതുപോലെ തന്നെ വെളിച്ചെണ്ണ തേച്ച് കുളിക്കുന്നത് ചര്‍മ്മ പ്രശ്‌നങ്ങള്‍ കുറയ്ക്കാനും ചര്‍മ്മത്തില്‍ ഉണ്ടാകുന്ന കരുവാളിപ്പ് ഇല്ലാതാക്കാനും സഹായിക്കുന്നുണ്ട്. നല്ല ക്ലിയര്‍ സ്‌കിന്‍ ലഭിക്കാനും വെളിച്ചെണ്ണ സഹായിക്കുന്നു. നല്ല ഈവണ്‍ ടോണ്‍ ലഭിക്കാനും ശരീരത്തില്‍ പല നിറങ്ങള്‍ ഇല്ലാതെ എല്ലാം ഒരേ നിറമാകാനും വെളിച്ചെണ്ണ നല്ലതാണ്.
എന്നും കുളിക്കാന്‍ പോകുന്നതിന് മുന്‍പ് ദേഹത്തും മുഖത്തും വെളിച്ചെണ്ണ നന്നായി തേച്ച് പിടിപ്പിച്ച് ഒന്ന് മസാജ് ചെയ്ത ശേഷം കുളിക്കുന്നത് നല്ലതായിരിക്കും. അതുമല്ലെങ്കില്‍ രാത്രിയില്‍ കിടക്കുന്നതിന് മുന്‍പ് മുഖത്ത് കുറച്ച് വെളിച്ചെണ്ണ തേച്ച് മസാജ് ചെയ്ത് കൊടുക്കുന്നത് നല്ലതാണ്. ഇതും സത്യത്തില്‍ ചര്‍മ്മം നല്ല സോഫ്റ്റാകാനും ചര്‍മ്മത്തില്‍ നിന്നും പാടുകള്‍ നീക്കം ചെയ്ത് ക്ലീനാക്കി എടുക്കാനും സഹായിക്കും. ചിലര്‍ക്ക് ചര്‍മ്മം നല്ല ഓയ്‌ലി ആയിരിക്കും. ഇത്തരത്തില്‍ നല്ലപോലെ ഓയിലി സ്‌കിന്‍ ഉള്ളവര്‍ അമിതമായി വെളിച്ചെണ്ണ ഉപയോഗിക്കാതിരിക്കാന്‍ ശ്രദ്ധിക്കുക. അതുപോലെ ഇവര്‍ ചെറിയ അളവില്‍ വെളിച്ചെണ്ണ എടുത്ത് മുഖത്ത് പുരട്ടി മസാജ് ചെയ്ത് കുറച്ച് സമയം കഴിഞ്ഞ് ഇത് കഴുകി കളയാവുന്നതാണ്. അമിതമായി എണ്ണമയം ഉള്ളത് മുഖത്ത് കുരുക്കള്‍ പൊന്താന്‍ കാരണമാകുന്നു. നല്ല ശുദ്ധമായ വെളിച്ചെണ്ണ തന്നെ എല്ലായ്‌പ്പോഴും ഉപയോഗിക്കാന്‍ ശ്രദ്ധിക്കുന്നതാണ് നല്ലത്. ഇത് നിങ്ങള്‍ക്ക് വീട്ടില്‍ തന്നെ തേങ്ങാപ്പാല്‍ വേവിച്ച് തയ്യാറാക്കി എടുക്കാവുന്നതാണ്. ഇത്തരത്തില്‍ തയ്യാറാക്കിയ എണ്ണ ഉപയോഗിച്ചാല്‍ കൂടുതല്‍ ഫലം ലഭിക്കും.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
