കൊല്കത്ത : ബംഗാളി മോഡലും നടിയുമായ ബിദിഷ ഡി മജുംദാറിനെ ( 21) കൊൽക്കത്തയിലെ ഡം ഡമിലെ അപ്പാർട്ടുമെന്റിൽ മരിച്ച നിലയിൽ കണ്ടെത്തി. നടി കഴിഞ്ഞ നാല് മാസമായി ഇവിടെ വാടകയ്ക്ക് താമസിച്ചു വരികയായിരുന്നു. മേയ് 25ന് ബുധനാഴ്ച വൈകുന്നേരം നാഗർബസാർ ഏരിയയിലെ ഫ്ലാറ്റിൽ തൂങ്ങിമരിച്ച നിലയിൽ കണ്ടെത്തി. സംഭവത്തിൽ ബരാക്പൂർ പോലീസ് അന്വേഷണം ആരംഭിച്ചിട്ടുണ്ട്. ബിദിഷയുടെ മൃതദേഹം പോസ്റ്റ്മോർട്ടത്തിനായി ആർജി കാർ ആശുപത്രിയിലേക്ക് മാറ്റി.
ബിദിഷയുടെ ഫ്ലാറ്റിൽ നിന്ന് ആത്മഹത്യാ കുറിപ്പും പോലീസ് കണ്ടെടുത്തതായി അറിയിച്ചു. മരിച്ച മോഡലിന് അനുഭാബ് ബേര എന്നൊരു കാമുകനുണ്ടായിരുന്നു. അനുഭാബുമായുള്ള ബന്ധം കാരണം അവൾ വിഷാദാവസ്ഥയിലായിരുന്നുവെന്ന് സുഹൃത്തുക്കൾ പറഞ്ഞു. മോഡലിംഗ് രംഗത്തെ അറിയപ്പെടുന്ന മുഖമായ ബിദിഷ ഡി മജുംദാർ 2021-ൽ അനിർബേദ് ചതോപാധ്യായ സംവിധാനം ചെയ്ത ഭാർ- ദ ക്ലൗൺ എന്ന ഷോർട്ട് ഫിലിമിലൂടെ അഭിനയരംഗത്തേക്ക് കടന്നു. ജനപ്രിയ നടൻ ദേബ്രാജ് മുഖർജിയാണ് ചിത്രത്തിലെ പ്രധാന വേഷത്തിൽ അഭിനയിച്ചത്.