യു.എസ് : അമേരിക്കയില് കോവിഡ് രോഗികള് വലിയതോതില് മരിക്കുന്നുണ്ട്. എങ്കിലും ആത്മവിശ്വാസത്തോടെ അവര് കോവിഡിനെ പ്രതിരോധിക്കുന്നു. ആരോഗ്യ പ്രവര്ത്തകരുടെ സംഭാവനയെ ജനങ്ങള് നന്ദിയോടെ സ്മരിക്കുന്നു. തങ്ങളുടെ ജീവന് സുരക്ഷിതമാക്കുവാന് അഹോരാത്രം പണിയെടുക്കുന്ന ആരോഗ്യ പ്രവര്ത്തകരെ അഭിവാദ്യം ചെയ്തുകൊണ്ടുള്ള ബാനറുകളും ബോര്ഡുകളും തെരുവുകളിലും വീടുകളിലും യഥേഷ്ടം കാണാം. ജനങ്ങളുടെ ഹീറോകളാണ് ആരോഗ്യ പ്രവര്ത്തകര്. അവര്ക്ക് ജനങ്ങളും സര്ക്കാരും നല്കുന്ന ആദരവ് എത്രയെന്ന് പറഞ്ഞറിയിക്കുവാന് കഴിയില്ല.
നിറംപിടിപ്പിച്ച കഥകളുമായി ചില മാധ്യമങ്ങള് അമേരിക്കയെയും അവിടുത്തെ ആരോഗ്യമേഖലയെയും കുറ്റപ്പെടുത്തുമ്പോള് ഇതിനെതിരെ സ്വന്തമായി വീഡിയോ ചെയ്താണ് പത്തനംതിട്ട അടൂര് സ്വദേശി ബിബിന് പ്രതികരിച്ചത്. ന്യുയോര്ക്കില് ആശുപത്രിയില് ജോലി ചെയ്യുന്ന ബിബിന് തന്റെ ഒരുദിവസം എങ്ങനെയെന്നും ജോലി ചെയ്യുന്ന ആശുപത്രിയെക്കുറിച്ചും വീഡിയോയില് വ്യക്തമാക്കുന്നുണ്ട്. ബിബിന്റെ വീഡിയോ നമുക്ക് കാണാം …..
